Prezident ZŠA pamiłavaŭ svajho syna Chantera Bajdena, jaki byŭ pryznany vinavatym i čakaŭ prysudaŭ pa dźviuch kryminalnych spravach, piša Bi-bi-si.
«Ź pieršaha dnia na hetaj pasadzie ja kazaŭ, što nie budu ŭmiešvacca ŭ pryniaćcie rašeńniaŭ Ministerstvam justycyi, i ja strymaŭ słova, navat kali bačyŭ, jak majho syna vybaračna i niespraviadliva pieraśledujuć», — havorycca ŭ zajavie Bajdena.
Jašče ŭ vieraśni i sam Bajden, i jaho pres-sakratar zapeŭnivali, što jon nie źbirajecca vydavać ukaz ab pamiłavańni syna.
U červieni prysiažnyja pryznali 54-hadovaha Chantera Bajdena vinavatym u tym, što jon pry kupli zbroi ŭ 2018 hodzie schavaŭ toj fakt, što byŭ narkamanam.
Bajden-małodšy staŭ pieršym u historyi ZŠA synam dziejnaha prezidenta, pryznanym vinavatym u złačynstvie.
Zatym, u vieraśni, Chanter Bajden sam pryznaŭ vinu ŭ inšaj spravie — ab uchileńni ad padatkaŭ.
U zajavie, apublikavanaj uviečary niadzieli, Džo Bajden śćviardžaje, što sudy nad jaho synam byli «zaražanyja palitykaj» i tamu skončylisia niepravasudnymi rašeńniami.
«Kali ja na hetych vychodnych pryniaŭ hetaje rašeńnie, adkładać jaho vykanańnie bolš nie mieła sensu. Ja spadziajusia, što amierykancy zrazumiejuć, čamu baćka i prezident pryjšoŭ da takoha rašeńnia», — havorycca ŭ zajavie.
Chanter Bajden taksama vystupiŭ z zajavaj, u jakoj skazaŭ, što pamyłki, jakija jon ździejśniŭ, kali byŭ narkamanam, byli vykarystanyja ŭ palityčnych metach, kab publična źniavažyć i zhańbić usiu siamju Bajdenaŭ.
«Pryśviaču žyćcio dapamozie tym, chto ŭsio jašče chvory i pakutuje», — zajaviŭ syn prezidenta.
Prysudy Chanteru Bajdenu pavinny byli być vyniesienyja 12 i 16 śniežnia. Pa druhoj spravie, ab uchileńni ad padatkaŭ na sumu 1,4 młn dalaraŭ u 2016-2019 hh, jamu pahražała da 15 hadoŭ turmy.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary
Spadarstva! Bajden Stary i Bajden Mały!
Ŭsio pavodle Zakonu! Hałoŭnaje, Zakon Pracuje!