Pieršy enierhabłok BiełAES vyviedzieny ŭ płanava-papieradžalny ramont
Pieršy enierhabłok BiełAES z 3 śniežnia vyviedzieny ŭ treci płanava-papieradžalny ramont.
Paviedamlajecca, što akija pracy pravodziacca štohod. Padčas płanava-papieradžalnaha ramontu pravodzicca častkovaja pierahruzka jadziernaha paliva, a taksama techničnaje absłuhoŭvańnie abstalavańnia, jaho dyjahnostyka, defiektacyja i ramont.
Hetym razam u reaktary budzie pierahružana kala 25% ciepłavydzialalnych zborak. Akramia taho, praviaduć kantrol stanu asnoŭnaha mietału i zvarnych złučeńniaŭ abstalavańnia i trubapravodaŭ.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary
Vielmi dobry analiz ekanamičnaj biessensoŭnaści i navat stratnaści BiełAES niedaŭna zrabiŭ spadar Knyrovič.
Taksama BiełAES ničoha nie daje i ŭ sensie dyviersifikacyi enierhietyčnaj biaśpiecy Biełarusi , bo pabudavanaja i ekspłuatujecca padparadkavanym Kramlu Rasatamam.
Imavierna Łukašenka raźličvaŭ, što elektraenierhiju ź BiełAES zamiest reekspartujemaj tady Biełaruśsiu ŭkrainskaj elektraenerhii buduć kuplać bałtyjskija krainy, ale litoŭskija ŭłady apynulisia pryncypovymi, abvieściŭšy ŭ 2013 BiełAES pahrozaj litoŭskaj nacbiaśpiecy.
Enierhietyčnaja sietka Biełarusi nie hatovaja da taho, kab raźmierkavać abjom hienieracyi BiełAES dla ŭnutranaha spažyvańnia, dziela hetaha patrebnyja dadatkovyja inviectycyi, supastaŭlalnyja z koštam pabudovy jašče adzinaj AES. Prablemu mahli b vyrašyć pryvatnyja inviestycyi, ale naturalna nie ŭ manapalizavanuju elektryčnuju halinu i nie pad čas panavańnia Łukašenki.
U vyniku adziny napramak prodažu elektraenierhii ź BiełAES - heta Rasieja ź jaje niepryvabnymi koštami.