Doktaru bijałahičnych navuk było 90 hadoŭ.
Na 91-m hodzie žyćcia pamior doktar bijałahičnych navuk, prafiesar, zasłužany dziejač navuki Biełarusi Viktar Parfionaŭ, paviedamiła Akademija navuk.
Viktar Parfionaŭ naradziŭsia 23 vieraśnia 1934 hoda ŭ Prudku Smalenskaj vobłaści. Skončyŭ Buda-Kašaloŭski lasny technikum. Biełaruski technałahičny instytut. U 1959 hodzie ŭładkavaŭsia pracavać u Instytut bijałohii AN BSSR, napisaŭ kandydackuju dysiertacyju na temu «Daśledavańnie jałovych lasoŭ i unutryvidavaj źmienlivaści jełki zvyčajnaj na poŭdni areała (u Paleśsi)».
U 1965-1968 hadach Viktar Parfionaŭ byŭ vučonym sakratarom Savieta pa kaardynacyi navukovaj dziejnaści AN BSSR. Potym pierajšoŭ na pracu ŭ Instytut ekśpierymientalnaj bataniki zahadčykam adździeła fłory i hierbaryja.
U 1971 hodzie Viktar Parfionaŭ staŭ namieśnikam dyrektara Instytuta pa navukovaj rabocie, a ŭ 1972 hodzie — dyrektaram. Za 28 hadoŭ pracy instytut pad kiraŭnictvam Viktara Ivanaviča trojčy jaho supracoŭnikam prysudžałasia Dziaržaŭnaja premija BSSR, było abaroniena 19 doktarskich dysiertacyj.
Viktar Parfionaŭ kiravaŭ Savietam maładych vučonych Akademii navuk Biełarusi, zatym navukovym savietam pa prablemach Paleśsia
Z 2000 hoda Parfionaŭ — hanarovy dyrektar Instytuta ekśpierymientalnaj bataniki NAN Biełarusi i zahadčyk adździeła hetaha instytuta. Taksama Viktar Ivanavič byŭ namieśnikam akademika-sakratara Adździaleńnia bijałahičnych navuk, staršynioj Navukovaha savieta pa prablemach bijaśfiery NAN Biełarusi, staršynioj śpiecyjalizavanaha Savieta pa abaronie doktarskich dysiertacyj pry Instytucie i členam Savieta pa abaronie kandydackich dysiertacyj pry Mižnarodnym ekałahičnym univiersitecie dy inš.
Navukovaja dziejnaść Viktara Parfionava była źviazana z fłarystykaj, fitahieahrafijaj, hieabatanikaj, ekałohijaj, sistematykaj i evalucyjaj raślin. Im byli vyznačany zakanamiernaści farmiravańnia rostu i praduktyŭnaści fitacenozaŭ, asablivaści bijałohii vidaŭ i papulacyj raślin u aptymalnych i ekstremalnych umovach.
Ciapier čytajuć
Stali viadomyja padrabiaznaści pra trahiedyju ŭ Połackim manastyry18
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary