Tramp abviaściŭ pra vyvad zabłakavanych u Armuzskim pralivie zamiežnych sudnaŭ
Vysokapastaŭleny iranski čynoŭnik u adkaz zajaviŭ, što Tehieran budzie razhladać lubuju sprobu ZŠA ŭmiašacca ŭ situacyju ŭ Armuzskim pralivie jak parušeńnie režymu spynieńnia ahniu.
U dopisie ŭ sacsietcy Truth Social amierykanski prezident zajaviŭ, što «krainy z usiaho śvietu» źviarnulisia da ZŠA «z prośbaj dapamahčy vyzvalić ich sudny ŭ Armuzskim pralivie», piša Bi-bi-si.
U adkaz Vašynhton paabiacaŭ, što budzie supravadžać sudny z hetych krain i «biaśpiečna vyviedzie ich z hetych abmiežavanych vod, kab jany mahli svabodna i efiektyŭna praciahvać svaju dziejnaść».
Apieracyja pad nazvaj Project Freedom pačniecca ŭ paniadziełak ranicaj pa blizkaŭschodnim časie, udakładniŭ kiraŭnik Biełaha doma.
Jon dadaŭ, što heta — humanitarny žest z boku ZŠA i krain Blizkaha Uschodu, «ale asabliva — Irana».
«Maje pradstaŭniki viaduć vielmi pazityŭnyja pieramovy ź Iranam, i hetyja abmierkavańni mohuć pryvieści da čahości vielmi stanoŭčaha dla ŭsich», — taksama havorycca ŭ dopisie Trampa.
Nieŭzabavie paśla hetaha vysokapastaŭleny iranski čynoŭnik zajaviŭ, što Tehieran budzie razhladać lubuju sprobu ZŠA ŭmiašacca ŭ situacyju ŭ Armuzskim pralivie jak parušeńnie režymu spynieńnia ahniu.
«Luboje amierykanskaje ŭmiašańnie ŭ novy marski režym Armuzskaha praliva budzie razhladacca jak parušeńnie pieramirja», — napisaŭ u X Ibrachim Azizi, kiraŭnik kamisii nacyjanalnaj biaśpieki ŭ parłamiencie Irana.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki12
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary