U Šviejcaryi futbolny čempijanat vyjhrała kamanda, jakaja hod tamu vystupała ŭ druhim dyvizijonie
Supierlihu vyjhraŭ FK «Tun».

Za try tury da finišu «Tun» adarvaŭsia ad pieraślednikaŭ — «Sankt-Halena» i «Łuhana» — na 11 bałaŭ u čempijonskaj «šaściorcy». U čempijona 74 bały ŭ 35 matčach.
Što praŭda, u subotu «Tun» prajhraŭ «Bazielu» ź likam 1:3, ale «Sankt-Halen» u niadzielu prajhraŭ «Śjonu» ź likam 0:3 i straciŭ šancy na čempijonstva.

Čempijanat Šviejcaryi prachodzić pa nastupnaj schiemie. Spačatku 12 kamand hulajuć u try koły (33 tury), a potym raźbivajucca na dźvie šaściorki i hulajuć pa piać turaŭ. Anałahična razyhryvajecca čempijanat Šatłandyi.
Heta pieršy ŭ historyi čempijonski tytuł «Tuna». Hod tamu kamanda vystupała ŭ druhim dyvizijonie (Čelendž-liha).
U Lizie čempijonaŭ kłub startuje z druhoha kvalifikacyjnaha raŭndu.
Učora taksama vyznačyŭsia čempijon Italii, im u 21‑y raz daterminova staŭ miłanski «Inter», u «Partuhalii» tytuł zavajavaŭ «Portu» (31‑y ŭ historyi).
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Kamientary