Časovyja abmiežavańni na źniaćcie hrošaj bankaŭskich kart zamiežnych emitentaŭ uvodziacca z 20 śniežnia 2024 hoda, paviedamlaje Nacbank Biełarusi. Limity buduć dziejničać da 1 lutaha budučaha hoda.
Na praciahu miesiaca z zamiežnych kartak možna budzie źniać nie bolš za 25 bazavych vieličyń, heta značyć nie bolš za 1 tysiaču biełaruskich rubloŭ. Z 1 studzienia 2025 hoda heta budzie suma nie bolš za 1050 rubloŭ.
«Adpaviednaje rašeńnie pryniata praŭleńniem Nacyjanalnaha banka z ulikam apieratyŭnaj infarmacyi, jakaja pastupaje ad pravaachoŭnych orhanaŭ Respubliki Biełaruś, u metach źnižeńnia ryzyk ździajśnieńnia roznaha rodu supraćpraŭnych dziejańniaŭ u dačynieńni da hramadzian i jurydyčnych asob», — skazana ŭ paviedamleńni.
Pry žadańni źniać bolš hrošaj z zamiežnaj kartki trymalnik pavinien źviarnucca ŭ kasu banka, pradjaviŭšy dakumient, jaki śviedčyć asobu.
Taksama ciapier unosić najaŭnyja na rachunak praz bankamaty, infakijoski i inšyja padobnyja pryłady pa sistemie ARIP možna budzie tolki z kartkaj abo z vykarystańniem «inšaha płaciežnaha instrumienta, jaki praduhledžvaje identyfikacyju jaho trymalnika».
Unieści hrošy možna i praz kasy bankaŭ, ale taksama z dakumientam, jaki śviedčyć asobu.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ82
Kamientary