Dalnabojščyku ź Minska pahražaje da čatyroch hadoŭ kałonii za «tysiaču kamientaroŭ» pra Łukašenku, sudździaŭ i siłavikoŭ
Imia Dźmitryja Sončyka źjaviłasia ŭ raskładzie sudoŭ. HUBAZiK paviedamlaŭ, što jon pakinuŭ bolš za tysiaču kamientaroŭ u telehramie — voś jak vyjšli na Dźmitryja.
Dźmitryju Sončyku 40 hadoŭ. Jon minčuk. Viadoma, što Sončyk doŭhi čas pracavaŭ kiroŭcam, apošnim časam — dalnabojščykam. Dźmitryj zachaplajecca motasportam, a jašče radyjoamatarstvam.
Videa z Sončykam vyjšła 7 maja 2024 hoda na kanale HUBAZiK, jaho zatrymali pa viartańni z-za miažy. Jamu zakidali kamientary ŭ telehramie — kazali, što jon pakinuŭ ich bolš za tysiaču.
Akaŭnt mužčyny stvorany vielmi daŭno i lohka deananimizujecca praz boty, jakimi karystajucca siłaviki — tam zaŭždy było jahonaje sapraŭdnaje imia. Da taho ž Dźmitryj pakinuŭ davoli šmat asabistych źviestak u samich čatach.
Pa źviestkach prajekta Digital intelligence team, havorka idzie mienavita pra jaho. Sud nad Dźmitryjem pačynajecca 26 śniežnia ŭ sudzie Partyzanskaha rajona Minska. Jaho sudziać pa troch artykułach — «abraza sudździ» (art. 391 KK), «abraza Łukašenki» (č. 1 art. 368 KK) i «abraza pradstaŭnika ŭłady» (art. 369 KK).
Dźmitryju Sončyku pahražaje da čatyroch hadoŭ kałonii sa štrafam.
«Naša Niva» — bastyjon biełaruščyny
PADTRYMAĆTłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Dziaŭčynu, jakaja vučyłasia ŭ Varšaŭskim univiersitecie i doŭhi čas žyła ŭ Polščy, aryštavali za dapamohu palitviaźniam
Hamielčuka Paŭła sudziać za kamientary ŭ telehramie, choć jon vydaliŭ akaŭnt za try hady da zatrymańnia
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ156
Kamientary