Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda
Režysior Mikałaj Chalezin nie razumieje, navošta jamu heta treba, ale zaŭvažaje, što Nieŭźlin daje hrošy na ŭsie miedyja, jakija palivajuć Śviatłanu Cichanoŭskuju. Pra heta jon parazvažaŭ u novym vypusku TOKu.
«Ja heta viedaŭ jašče da vybaraŭ 2010 hoda», — adznačyŭ Mikałaj Chalezin, kamientujučy infarmacyju ab tym, što rasijski miljanier Leanid Nieŭźlin finansuje biełaruski apazicyjny partał Chartyja'97.
«Heta [finansavańnie] idzie paŭtara dziasiatka hadoŭ. Tady [da vybaraŭ 2010 hoda] jašče jon pačaŭ. [Žurnalistka] Ira Chalip była ź im była znajomaja. Jon pačaŭ finansavać. I tak i finansavaŭ. (…) Tady ž źjaviłasia takaja pahałoska, što ruskija finansujuć [Andreja] Sańnikava, tamu jon pajšoŭ u prezidenty. Ale ja nie dumaŭ, što jon budzie vybarčuju kampaniju jašče finansavać».
Pa słovach režysiora, praciahłaja historyja finansavańnia Chartyi'97 rasijskim miljarderam pieratvaryła apazicyjny partał u «taksičnuju strukturu, jakaja finansujecca ruskimi».
«U vyniku jon ich kormić. Heta ŭsio pieratvaryłasia ŭ niejkuju finansavuju strukturu — kali tabie žyllo apłačvaje sajt, kali ty možaš sabie kupić kvateru, choć ty nidzie nie pracavaŭ», — vykazaŭ svoj punkt hledžańnia Chalezin i ŭdakładniŭ, što kvateru ŭ Varšavie kupiŭ [kaardynatar Chartyi'97 Źmicier] Bandarenka.
«Ja hladžu, što nikoha heta nie ździviła. Nu kupiŭ i kupiŭ. Ale ja nie vielmi razumieju. Kali ty isnuješ za hranty, to na jakija hrošy ty kupiŭ kvateru? Jak? Značyć, ty nie traciš hranty na spravu. (…)
Uvohule, dziŭnaja niejkaja ŭsia kanfihuracyja. I heta ŭsie pamiž saboju abmiarkoŭvali zaŭsiody. I nikoha heta nijak nie ździŭlała. Typu: «Dyk heta ž Chartyja», — kamientuje režysior.
Na pytańnie, jaki moža być intares Nieŭźlina ŭ padtrymcy Chartyi'97, Mikałaj Chalezin pryznaŭsia, što nie viedaje:
«Jon finansuje ŭsie miedyja, jakija palivajuć Cichanoŭskuju. Što heta za hulnia, ja nie vielmi razumieju. Dzie Nieŭźlin, a dzie Cichanoŭskaja. Jon siadzić u Izraili, emihrant na hrošach. I?.. Dobra, Cichanoŭskaja drennaja. I što? U čym bieniefit? Ty chočaš niešta prapanavać zamiest? Zamiest nielha, nie atrymlivajecca, bo jaje vybrali. (…)
Vielmi cikava i ničoha nie zrazumieła, jak u śpiektakli biełaruskaha «Svabodnaha teatra», — kaža Mikałaj Chalezin.
Hladzicie całkam:
Kaho ź biełaruskaj apazicyi padtrymlivaje rasijski miljanier Nieŭźlin?
Chalip pra Sańnikava, Cichanoŭskuju i katlety: Heta vyklučna pra ježu, byvajuć takija dziŭnyja supadzieńni
Aleksijevič raskazała, jak joj prapanavaŭ dapamohu rasijski miljarder Nieŭźlin
Rasijskuju «Sotu», jakaja močyć Cichanoŭskuju, spansiruje aliharch Nieŭźlin
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary
a dzie cichanoŭskaja?
Jašče Siaroža B " pasianaryj" mietadołahškołka kucharestaratar ..
.Mnie padajecca heta " zapadło" ci jak tam siarod nieŭźlinych biarozoŭskich u 90 je kazali. Niechta adroźnivaje pach pamiž Nieŭźlinym Bierazoŭskim Chadarkoŭskim Abramoviča u 90 je i zaraz ..
Navošta pytajecca ?? Za małyje hrošy atrymać Krainu u Eŭropie u kancesiju?? Dobry hiešieft Lepš čym " jukos mienatep"