«Davajcie razam padorym dzieciam, čyje siemji trapili ŭ ciažkija abstaviny, maleńki cud i vialikuju vieru ŭ biełaruskuju salidarnaść!», — zaklikaje inicyjatyva.
«Navahodnija śviaty — čas dla ciapła, lubovi i dabryni. Ale dla mnohich biełaruskich dziaciej zaraz nie chapaje najvažniejšaha: mamy ci taty pobač, bo jany znachodziacca ŭ źniavoleńni pavodle palityčnych matyvaŭ. Zamiest zvykłych radaściaŭ dziacinstva — jany vymušanyja žyć u rasstańni, z šmatlikimi ciažkaściami, ale my možam zrabić tak, kab śviatło ŭlubionych śviataŭ dasiahnuła i da ich.
Kožnaje vaša achviaravańnie — heta nie prosta padarunak, heta znak taho, što śviet nie zabyŭsia pra ich i pra ich siemji. Razam my možam stvaryć śviata, napoŭnienaje ciopłynioj i padtrymkaj, dzie, chaj na imhnieńnie, dzieci adčujuć prysutnaść baćkoŭ. Ujavicie sabie ich uśmieški, ich radaść, kali jany atrymajuć padarunki ad «Dzieda Maroza» — jak simvał taho, što jany nie adny, što mnohija ludzi kłapociacca pra ich i ich budučyniu», — zaklikaje arhanizacyja.
Jak atrymać dapamohu?
Źviarnucca pa dapamohu mohuć členy siemjaŭ palitviaźniaŭ, u jakich jość dzieci da 16 hadoŭ uklučna i niechta z baćkoŭ (ci abodva) znachodziacca (bolš za 3 miesiacy), albo znachodzilisia raniej u źniavoleńni (taksama bolš za 3 miesiacy).
Na padarunak kožnamu dziciaci budzie vypłačana 100 €.
Na hety momant sabrana 18 810 jeŭra z 24 800, buduć jak minimum padtrymanyja 172 z 248 dziaciej.
Padtrymać akcyju
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska pracaŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary