Chalezin: «Bialacki — dobry kandydat u prezidenty. Jon taki čałaviek, jaki chacieŭ by suzirać Biełaruś»
U novym vypusku TOKu viadomy režysior Mikałaj Chalezin raskazaŭ, jakim čałaviekam bačyć palitźniavolenaha łaŭreata Nobieleŭskaj premii Alesia Bialackaha.
Mikałaj Chalezin adznačaje, što siabruje z Alesiem Bialackim z pačatku 1990-ch hadoŭ.
«Ja jaho zaŭsiody lubiŭ. Ja šanuju ludziej, u jakich jość pačućcio humaru. I Aleś ździŭlaŭ zaŭsiody. Jość samaironija, jość taki viasioły charaktar, i ty bačyš, što heta čałaviek nie podły, što jon moža vyklikać prychilnaść da siabie, što ŭ palitycy važna».
Chalezin pahadžajecca, što Bialacki moh by stać dobrym prezidentam Biełarusi, ale maje vialikija sumnievy, što Bialacki b na taki krok pajšoŭ.
«U mianie tolki pytańnie, ci pajšoŭ by Aleś na vybary (pavodle ciapierašniaj Kanstytucyi Bialacki nie moža bałatavacca ŭ prezidenty, bo naradziŭsia za miežami Biełarusi, u rasijskaj Karelii — NN). Nie fakt, daloka nie fakt.
Jon taki čałaviek, jaki chacieŭ by suzirać Biełaruś. U jaho hetaje suzirańnie vielmi mahutnaje. Jon tamu i staŭ pravaabaroncam, što bačyŭ, dzie prablema. To-bok jon bačyŭ usie hetyja parušeńni. U jaho vielmi vysoki ŭzrovień empatyi. I jon takich ludziej vakoł siabie źbiraŭ».
Režysior davodzić, što dziakujučy asabistym jakaściam Alesia Bialackaha źjaviŭsia fienomien pravaabarončaha centra «Viasna»:
«Jon padbiraje takich ludziej, jakija takija ž kamfortnyja, jak jon. Jakija spakojnyja, mohuć havaryć i rabić spravu, a nie vystupać na kanfierencyjach».
Chalezin ličyć, što mienavita z-za asabistych jakaściej Bialacki ŭ svoj čas byŭ abrany vice-prezidentam Mižnarodnaj fiederacyi pravoŭ čałavieka.
Hladzicie całkam:
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty7
Kamientary
Zdolny narot zrabić asensavany vybar ?
Zdolny kali t.zv.elita dziejači damoviacca pahadziacca svaje ambicyja prycisnuć dziejničać razam
Pakul abmiežavannaść asabistaja " šmatviektarnaść" upłyva štučna stvarajemyja kanflikty razburali usie damoŭlennaści