Źjaviŭsia partał pa historyi Biełarusi z AI-asistentam i 3D-madelami
Zapuščany siońnia partał «Historyja Biełarusi» — sučasny resurs, dzie žadajučyja mohuć pahruzicca ŭ kulturnaje i histaryčnaje minułaje Biełarusi z dapamohaj interaktyŭnych technałohij. Biełaruskaja historyja atrymała novuju anłajn-prastoru dla znajomstva ź joj i bolš hłybokaha daśledavańnia, havorać stvaralniki resursu.
Ciapier vy možacie pahladzieć na Safijski sabor u Połacku prosta na vašym pracoŭnym stale z dapamohaj AR i telefona. A taksama, dziakujučy štučnamu intelektu, partał moža raspavieści pra časy VKŁ navat daškolniku — na zrazumiełaj dla jaho movie, raspaviadajuć stvaralniki.
Partał prapanuje technałahičny kantent: interaktyŭnyja 3D-madeli histaryčnych abjektaŭ i funkcyju štučnaha intelektu, taksama z dapamohaj sučasnych technałohij ažyvili histaryčnyja partrety i karciny — vy možacie pahladzieć na «ažyŭšaha» Kastusia Kalinoŭskaha, Juzafa Paniatoŭskaha i inšych.
Partał stvorany dziakujučy padtrymcy biełarusaŭ u Polščy, praź ich dabračynnyja adličeńni (1,5%) z padatkovych dekłaracyj u miežach inicyjatyvy «Buduj svajo» ad «Novaj Biełarusi», a taksama z dapamohaj partnioraŭ — FaniMani i fond Tutaka.
«Narody vakoł nas časta prysvojvajuć histaryčnyja fakty i postaci, nie pakidajučy miesca hołasu biełarusaŭ. Partał zaklikany danieści śvietu praŭdzivuju historyju», — tłumačyć aŭtar idei Anton.
Pavodle Paŭła Libiera, kiraŭnika techkamandy «Novaj Biełarusi», na raspracoŭku partała spatrebiłasia paŭhoda.
«Partał pieršapačatkova pazicyjanavaŭsia jak abjektyŭny i kampaktny resurs pa historyi Biełarusi dla anhłamoŭnych žurnalistaŭ i historykaŭ, kab jany nie čerpali viedy ŭ krynicach, madyfikavanych SSSR i Rasijaj. Ale naša kamanda dastatkova chutka zrazumieła, što taki pradukt patrebny i dla samich biełarusaŭ i biełarusak, tamu što ŭnutry krainy historyja ŭvieś čas pierapisvajecca.
Pry hetym pradukt atrymaŭsia vielmi technałahičnym: uvieś źmiest indeksujecca dla nastupnych AI-zapytaŭ, u prajekcie šmat hrafiki, 3D-madelaŭ, mahčymaść hladzieć madeli ŭ dapoŭnienaj realnaści z ekranaŭ mabilnych telefonaŭ», — adznačaje jon.
Asnoŭnyja movy partała — biełaruskaja, anhlijskaja i polskaja.
-
«Na Radaŭnicu nie płačuć, a ŭspaminajuć». Jak biełarusy stalisia ledźvie nie adzinymi nośbitami staradaŭniaj tradycyi
-
Jak źjavilisia kankłavy. Kardynałaŭ zamknuli, razabrali im dach, nie karmili — ale ŭsio vyrašyła krovapralićcie
-
U volny dostup vykłali ŭnikalnyja fota budaŭnictva Doma ŭrada ŭ Minsku ŠMAT FOTA
Ciapier čytajuć
Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu21
Kamientary
1. "Miaža padziełu prajšła pa Dźvinie, Dniapry i Druci. Zachodniaja Biełaruś u vyniku padziełu adyšła da Rasiei".
2. "U vyniku Pieršaha padziełu Rečy Paspalitaj u 1772 hodzie Zachodniaja Biełaruś była dałučana da Rasiei. Hetaja terytoryja ŭklučała ŭ siabie paŭnočnyja i ŭschodnija ziemli Biełarusi, u toj čas jak Uschodniaja Biełaruś zastavałasia ŭ składie Rečy Paspalitaj."
3. "U vyniku Pieršaha padziełu Rečy Paspalitaj Zachodniaja Biełaruś była dałučana da Rasiei. Harady, jakija ŭvajšli ŭ skład Rasiei, ŭklučali Miensk, Viciebsk, Homiel i Smalensk".
4. "U vyniku Pieršaha padziełu Rečy Paspalitaj da Rasiei adyšli ŭschodnija ziemli Biełarusi, uklučajučy Hrodna, Vilenskuju i častku Mienskaj hubierni."
Pa Śvietłahorsku (prabačcie) niekalki varyjantaŭ: Homielskaje, Kiempinhaŭka, Paŭdniovy Hrad.
Pa Novałukomlu (taksama prabačcie): Łukoŭla, Łukmień, Łukmianka, Łukova, ale samyja cikavyja viersii heta Sieviaryn, jaki nibyta byŭ zasnavany na źlićci "dźviuch rakaŭ" (cituju dasłoŭna): Niamihi i Rudzianki, i Žyžki, viadomyja jašče z XIV stahodździa :)