Na aficyjnym sajcie «Biełpošty» abnavili infarmacyju pra taryfy na asnoŭnyja paštovyja pasłuhi, jakija buduć dziejničać z 1 studzienia 2025 hoda.
Pierasyłka samaha maleńkaha zakaznoha drobnaha pakieta (z ulikam PDV i koštu ŭpakoŭki) z 1 studzienia abydziecca na 6% daražej — 3,5 rubla zamiest ciapierašnich 3,3 rubla.
Pierasyłka adpraŭleńniaŭ piśmovaj karespandencyi «1 kłas» stanie daražejšaj na 9,7% — za adpraŭleńnie masaj da 100 h daviadziecca płacić užo 2,04 rubla i 42 kapiejki za kožnyja nastupnyja poŭnyja abo niapoŭnyja 100 h (było 1,86 rubla i 36 kapiejek).
U siarednim na 9% vyraście i košt mižnarodnych adpraŭleńniaŭ JEMЅ (Express Mail Service). Naprykład, kab adpravić pasyłku paskoranaj poštaj vahoj da paŭkiłahrama ŭ Rasiju, z 1 studzienia daviadziecca zapłacić užo 74,7 rubla (ciapier 68,46 rubla).
Padaražejuć na 5-7% i pasłuhi «paštovaha kurjera»: u zaležnaści ad charaktaru paštovaha adpraŭleńnia ich košt budzie varjiravacca ad 6,72 rubla da 22,08 rubla (było ad 6,24 da 21 rubla).
Vyraście ŭ canie i adpraŭka prostaj piśmovaj karespandencyi — ale tolki mižnarodnaja, bo košt pierasyłki pa Biełarusi zastaniecca raniejšym.
Pasłać vinšavalnuju paštoŭku zamiežnym siabram stanie na 5,2% daražej — adpraŭleńnie niepryjarytetnaj kartki budzie kaštavać 2,4 rubla (ciapier 2,28 rubla). Minimalnaja cana prostych listoŭ taksama vyraście — na 4,6% da 2,7 rubla (ciapier — ad 2,58 rubla).
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary