Prakopjeŭ krytykuje prapanovu kapitulavać: Kali ŭ nas nie ŭźnikła partyja jastrabaŭ, to nie treba rabić partyju abłudnych hałuboŭ
Były restaratar i hramadski dziejač Vadzim Prakopjeŭ razvažaje, što rabić i što nie rabić biełaruskaj apazicyi.
U intervju jutub-kanału NEXTA jon pieraścierahaje demakratyčnyja siły ad vialikaj pamyłki.
«Rana padsiakajem»
Prapanovy častki apazicyi pajści na sastupki Łukašenku, kab spynić represii, Prakopjeŭ nazyvaje pamyłkaj.
«Ja liču, što my robim palityčnuju pamyłku. Ja liču, što vychodzić z padniatymi rukami prosta tamu, što nie atrymałasia ŭ Ofisa Cichanoŭskaj zabiaśpiečyć sapraŭdny cisk, nielha.
Ja liču, što kali ŭ nas nie ŭźnikła partyja jastrabaŭ, to nie treba rabić partyju abłudnych hałuboŭ.
Ja liču, što Łukašenka, kali choča pasłać sihnał nakont raźmienu zachodnich sankcyj na admienu represij, (…) to ŭ jaho jość masa mahčymaściaŭ. I toj sposab znosin ź biełaruskaj apazicyjaj, jaki abraŭ Łukašenka, pavinien niečamu navučyć i prymusić dumać hetych ludziej.
Tamu što jon maje znosiny ź biełaruskaj apazicyjaj praz Vaskrasienskaha, praz Pratasieviča i praź Dźmitryjeva. Heta ŭsio zakładniki režymu, u roznaj stupieni. Heta pavinna naściarožyć biełaruskuju apazicyju, asabliva tuju častku, chto rasčaravaŭsia. (…)
Kali ŭ kahości jość sumnievy ŭ tym, ci treba iści zaraz nasustrač, voś moža jon (Łukašenka. — NN) sihnalizuje, moža my ŭsiaho nie bačym, moža ŭ jaho pucinski nož staić la horła, a jon nam padmirhvaje — nie, nie padmirhvaje. Heta iluzija, heta naŭmysnaja apieracyja.
Meta hetaj apieracyi potym vycierci nohi ab biełaruskuju apazicyju. Ja zaklikaju terminova pačać abmierkavańni hetaha pytańnia. Ja liču, što heta budzie hrandyjoznaja palityčnaja pamyłka, kali takija zvyškaštoŭnyja rečy (niachaj jany nam nie naležać), jak sankcyi, mižnarodnaja izalacyja, harantyi biaśpieki, buduć addadzieny za pałovu koštu. Abo kali chočacie, mahu voś takim słohanam skazać — rana padsiakajem».
Idei Prakopjeva
Prakopjeŭ ličyć, što adna z zadač apazicyi ciapier — nie dapuścić Łukašenku na mirnyja pieramovy pa vajnie va Ukrainie. Bo heta daść kozyry Łukašenku, ale nie Biełarusi. «Uvieś śviet źmieścić nas u adno viadro z Rasijaj. I tut my nie dasiahajem navat asobnaha niby pavyšeńnia subjektnaści».
U jaho taksama była ideja arhanizavać pierapoŭnieny stadyjon u Varšavie ŭ jakaści adkazu na «łukašenkaŭskija biazvybary». Adnak dla hetaha «patrebny byli vializnyja inviestycyi, zhoda ŭ apazicyi».
Na pohlad Prakopjeva, isnujučaje palityčnaje lidarstva nie zdolnaje na reformy i źmieny. Pa jaho słovach, pieramieny mahčymyja tolki praz stvareńnie novaj palityčnaj siły, jakaja budzie hruntavacca na narodnych inicyjatyvach i srodkach, a nie na hrantach abo zamiežnaj padtrymcy.
«Isnujučaje tytulnaje lidarstva — heta tupikovaja halina evalucyi. Jano budzie pamirać doŭha, tamu što budzie zabiaśpiečvacca hrantami, jano budzie supraciŭlacca naradžeńniu čahości novaha, ale ŭ rešcie rešt u hetaha jość termin.
I treba tut ź vialikim smutkam kanstatavać, što ŭ jaho nie budzie i nie vidać unutranaj enierhii na reformy».
Prakopjeŭ źviartaje ŭvahu na «žachlivuju dzirku ŭ rozumach biełarusaŭ»: «Biełarusy ŭnutry krainy nie vierać u Biełaruś i nie chočuć žyć u Biełarusi Łukašenki, ale hetak ža jany nie chočuć žyć u Biełarusi Cichanoŭskaj, jak śćviardžajuć sacyjołahi».
Kamientary
2 novuju kanstytucyju napisali i nadrukavali
3 plan pieramoha vykanali
4 ardu bolej mudłaj nie nazyvali
5 Zachodnija dapamohi svaječasova raźmierkavali
6 ab darmavych vizach pakłapacilisia
2. “Uvieś śviet źmieścić nas u adno viadro z Rasijaj”. Vadzim, vaša rasiejščyna taksama źmiaščaje nas u adno viadro z Rasijaj. Vy za 5 hadoŭ emihracyi tak i nie zdoleli vyvučyć biełaruskuju movu. Siadzicie dalej u svaim rasiejskim śviecie.
3. “Pa jaho słovach, pieramieny mahčymyja tolki praz stvareńnie novaj palityčnaj siły, jakaja budzie hruntavacca na narodnych inicyjatyvach i srodkach, a nie na hrantach abo zamiežnaj padtrymcy”. Tut u jaho słovach jość racyjalnaje ziernie, ale ci šmat chto ź biełaruskaha biznesu hatovy finansavać demakratyčnyja siły. Časta bačym advarotnuju karcinu, kali biznes šukaje hrantavyja hrošy ŭ biełaruskich fondach, navat cełuju asacyjacyju zrabili, roznyja ABBA dy inš.