Nazirać za vybarami ŭ Biełaruś pryjedzie šviejcarac, jakoha na radzimie sudzili za falsifikacyju vybaraŭ
Minsk zaprasiŭ nazirać za prezidenckimi vybarami troch šviejcarskich palitykaŭ, viadomych svaimi prarasijskimi pohladami.
Try šviejcarcy pryjeduć u Biełaruś nazirać za niekankurentnymi prezidenckimi vybarami, jakija adbuducca 26 studzienia. Zaprašeńni atrymali Eryk Vebier, Patryk Krec i Vilhielm Vis.
Biełaruskija ŭłady apłaciać im darohu i pražyvańnie ŭ Minsku. Zaprašeńni šviejcarcam pryjšli ŭ tym liku ad ministra zamiežnych spraŭ Maksima Ryžankova, piša Blick.
Cikava, što 61-hadovy Vebier u 2014 hodzie byŭ asudžany za falsifikacyi vybaraŭ u kantonavy parłamient. Sud vyjaviŭ, što padčas adnoj z kampanij jon schilaŭ vybarščykaŭ atrymać druhija biuleteni i prahałasavać za jaho. Palityka zatrymlivali pa padazreńni ŭ falsifikacyjach i ŭ 2024 hodzie.
U Šviejcaryi ŭ Vebiera reputacyja ekstravahantnaha krajnie pravaha palityka, jon stvaryŭ ułasnuju «Partyju suprać zanadta vialikaj kolkaści inšaziemcaŭ i prasicielaŭ prytułku ŭ Šviejcaryi». Niekalki razoŭ Vebiera abirali ŭ parłamient kantona Bazel-Štadt.
Palityk adpravicca ŭ Minsk u paniadziełak. Pavodle mierkavańnia Vebiera, «u Biełarusi šmat što sučaśniej, čym u Šviejcaryi», a miedyja, jak jon ličyć, chłusiać pra realnuju situacyju ŭ krainie.
31-hadovy Krec, deputat parłamienta kantona Cuh ad Narodnaj partyi, i 25-hadovy Vis pajeduć u Biełaruś nie ŭpieršyniu. Jany nazirali za parłamienckimi vybarami ŭ 2024 hodzie i aktyŭna razdavali intervju prapahandystam, u jakich chvalili vybarčy praces.
Vis, naprykład, zajaŭlaŭ, što «ŭ Biełarusi možna svabodna vykazvać svajo mierkavańnie». Pratesty jon ličyć «zmovaju Zachadu». Vis taksama viadomy prychilnik Uładzimira Pucina. Paśla pačatku poŭnamaštabnaj vajny jon vyviesiŭ na fasadzie svajho doma litary Z i hierb SSSR u padtrymku rasijskaha ŭvarvańnia.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Dumaju, etot prochvost iz Šviejcarii dažie nie uznajet "niuansov" podsčiota hołosov. Budiet prosto nasłaždaťsia zabotoj, kotoroj jeho okružat. I chvaliť, koniečno, "vybory".