Azaronak: Tak, ja nie rukapaciskalny. A na Akreścina ludziej nie katavali, a pryvodzili da prytomnaści
«Ja čyrvona-karyčnievy, ja prapahandyst dyktatara».
U intervju z Ryhoram Azaronkam Ksienija Sabčak pacikaviłasia ŭ prapahandysta, za što źbivali ludziej na Akreścina ŭ pieršyja dni paśla vybaraŭ u 2020-m, i dała jamu pasłuchać viadomy aŭdyjazapis, na jakim čuvać kryki ludziej, jakich katujuć u izalatary.
«Pa-pieršaje, vielmi šmat było fejkaŭ z nahody hetaha. Voś jak jon tam zapisvaŭ? Heta niezrazumieła. Padychodzili, zdymali…» — pačaŭ tłumačyć Azaronak.
A paśla zajaviŭ, što Akreścina «nie sanatoryj», a ludziej tam nie katavali, a «pryvodzili da prytomnaści».
«Navieści paradak u papraŭčaj ustanovie? Možna. Usio pa zakonie», — dadaŭ jon.
Tady ŭ 2020-m Azaronak vypuściŭ repartaž z Akreścina, dzie raskazvaŭ, što ludziej smačna kormiać i ŭmovy ŭ izalatary vydatnyja. Sabčak zaŭvažyła, što paśla taho siužetu jamu admovilisia cisnuć ruku navat niekatoryja jaho kalehi z padobnymi pazicyjami.
«Nu, nie pamiataju, kab z padobnymi pazicyjami pierastali cisnuć ruku. Ale tak, ja nie rukapaciskalny, Ksienija. Ja čyrvona-karyčnievy, ja prapahandyst dyktatara».
Azaronak jašče raz paŭtaryŭ svaju pazicyju: katavańniaŭ na Akreścina nie było.
Siarod listoŭ na stale ŭ Azaronka Sabčak znajšła pastanovu suda pa kryminalnaj spravie, pa jakoj Azaronak prachodziŭ paciarpiełym (bo chtości vykładaŭ u internet jaho piersanalnyja danyja).
Azaronak zhadvaje, što spačatku nie chacieŭ pryciahvać ludziej da adkaznaści za heta, a paśla pieradumaŭ.
«A potym ja padumaŭ, słuchajcie, a my što takija ŭsie? (…) Niachaj usiu adkaznaść na siabie biaruć prezidenty-siłaviki, a my ŭ biełych palito ŭsie budziem, tak? A potym ubačyŭ na Danbasie, jak hetyja ludzi, jakim spačatku daruješ, jak spačatku tam dapamahaješ im, nie chočaš ich sadžać, a jany potym prosta prychodziać i zabivajuć».
Pasadžanych takim čynam ludziej jamu nie škada. «Heta dla jaho karyści», — vykazaŭsia pra adnaho z asudžanych Azaronak.
Źmicier Chviedaruk: Ludzi, jakich vykarystali ŭ jakaści ilustracyi ŭ siužecie STB pra Akreścina, — departanty
Jak Azaronak staŭ takim? Novyja fakty ź bijahrafii samaha addanaha Łukašenku prapahandysta
Azaronak raskazaŭ, jak čałavieka, jaki šturchanuŭ jaho maci-kanduktarku ŭ aŭtobusie, adpravili ŭ izalatar
Kamientary
Rot zakryvajecca tolki jak dźviery ŭ žyhulach
A Sabčak - heta miarzotnaja biespryncypnaja źmiaja, jakaja adnačasova pracuje na pucina i volna katajecca pa Jeŭropie praz svoj izrailski pašpart