Były pamočnik Alaksandra Łukašenki pa ekanamičnych pytańniach i eks-pasoł Biełarusi ŭ Kitai Kirył Rudy staŭ vienčurnym partnioram amierykanskaj inviestycyjnaj kampanii BlueLake Ventures. Pra novaje miesca pracy jon paviedamiŭ u sacyjalnych sietkach, zaŭvažyła «Lusterka».
Rudy napisaŭ, što raźličvaje ŭnieści svoj układ u pracu fondu, jaki śpiecyjalizujecca na technałohijach hłybokaha ŭzroŭniu. Pavodle jaho słoŭ, novaja pasada dazvolić jamu abjadnać try asnoŭnyja kirunki jaho prafiesijnaha dośviedu — finansy, hieatechnałohii i stratehičnaje bačańnie. Jon płanuje supracoŭničać z zasnavalnikami startapaŭ i inviestarami.
Na sajcie BlueLake Ventures adznačajecca, što Rudy budzie zajmacca mižnarodnaj stratehijaj, transhraničnym partniorstvam i dapamohaj technałahičnym kampanijam u vychadzie na suśvietnyja rynki. U kampanii taksama adznačajecca, što da hetaha jon zajmaŭ kiraŭničyja pasady ŭ dypłamatyčnaj, dziaržaŭnaj i technałahičnaj śfierach, a ŭsiaho bolš za 25 hadoŭ pracavaŭ u mižnarodnym biznesie, finansach, technałohijach i akademičnym asiarodździ.
BlueLake Ventures była zasnavanaja ŭ 2022 hodzie. Jaje štab-kvatera znachodzicca ŭ amierykanskim Roli. Kampanija inviestuje ŭ startapy na rańnich etapach raźvićcia i akazvaje im stratehičnuju padtrymku. Asnoŭnyja śfiery jaje intaresaŭ — vyličalnaja technika, enierhietyka, materyjałaznaŭstva i bijałohija, asabliva prajekty, zasnavanyja na navukovych i inžyniernych raspracoŭkach.
Da pierachodu ŭ BlueLake.vc Rudy pracavaŭ u IT-kampanii Andersen Lab, jakaja maje biełaruskija karani. Tam jon zajmaŭsia adnosinami kampanii ź dziaržaŭnymi orhanami roznych krain. U sakaviku, na fonie bajavych dziejańniaŭ pamiž ZŠA, Izrailem i Iranam, Rudy pierajechaŭ z Abjadnanych Arabskich Emirataŭ u ZŠA.
Rudy byŭ pamočnikam Łukašenki pa ekanamičnych pytańniach i pasłom Biełarusi ŭ Kitai. U studzieni 2020 hoda paśla 13 hadoŭ dziaržaŭnaj słužby jon zvolniŭsia i staŭ niezaležnym dyrektaram finstore.by — kryptaprajekta banka «BiełVEB». Paźniej jon uvajšoŭ u radu dyrektaraŭ biznes-płatformy Eurasia Gulf z AAE i nazyvaŭ siabie namieśnikam jaje staršyni.
U Biełarusi Rudy taksama pracavaŭ u kampanijach «Atłant-M», Andersen Lab, «Technika i kamunikacyi», jakaja, u pryvatnaści, arhanizuje vystavu TIBO, a taksama ŭ «Astan Soft» z rasijskimi karaniami. Akramia taho, jon vykładaŭ u troch biełaruskich univiersitetach — BDU, BDEU i Mižnarodnym instytucie mieniedžmientu.
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Kirył Rudy raskazaŭ, čym biełaruskija ajcišniki adroźnivajucca ad indyjskich
Rudy znajšoŭ plusy ŭ sankcyjach na kalij
Były pasoł Biełarusi ŭ Kitai Kirył Rudy napisaŭ zachaplalnuju knihu pra hetuju krainu — i jaje novuju «epochu Si»
Ciapier čytajuć
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi8
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary