U najbližejšyja dni moža čakacca rost zachvorvańniaŭ na hryp i VRVI
Pa słovach zahadčycy łabaratoryi hrypu Respublikanskaha centra hihijeny, epidemijałohii i hramadskaha zdaroŭja Natalli Šmialovaj, na minułym tydni ŭ Biełarusi adznačałasia nizki ŭzrovień zachvorvańniaŭ na vostryja reśpiratornyja infiekcyi.
Rost zachvorvańnia na VRI i hryp prahnazujecca ŭ typovyja dla našaj krainy terminy: kaniec studzienia — pačatak lutaha. I na hety momant niama nijakich padstaŭ dla ŭniasieńnia źmianieńniaŭ u hety prahnoz, adznačyła ekśpiert. Natalla Šmialova dadała, što ŭzdym zachvorvańnia na VRI i hryp u krainach Jeŭrapiejskaha rehijonu pačaŭsia z 48-ha kalandarnaha tydnia. U Biełarusi jon tradycyjna čakajecca praz paŭtara-dva miesiacy, piša «Miedycynski vieśnik».
«Ciapierašni epidemijałahičny siezon nie budzie adroźnivacca ad papiaredniaha. My viarnulisia da jaho dakavidnaj płyni. Tak, uzbudžalnik COVID-19 na niekatory čas vycieśniŭ virusy hrypu i inšyja ŭzbudžalniki VRI. Adnak jany pastupova adnaŭlajuć svaju siezonnuju cyrkulacyju, z čym byŭ źviazany bolš rańni pačatak uzdymu zachvorvańnia na hryp u papiarednija hady. Ciapier hetaha niama», — raskazała jana.
U svaju čarhu prafiesar Ihar Karpaŭ adznačyŭ, što studzień u našaj krainie tradycyjna charaktaryzujecca siezonnym uzdymam zachvorvańnia na hryp. Heta adbyvajecca kožny hod z ulikam klimatyčnych umoŭ, vilhotnaści i tempieratury pavietra ŭ hety pieryjad.
«Nijakich anałohij z pandemičnymi virusami pravodzić ni ŭ jakim razie nie treba. Heta zvyčajnaje ŭzrastańnie zachvorvańnia i, chaču padkreślić, mienavita hrypoznaj infiekcyi. Usio prachodzić jak zvyčajna. Biezumoŭna, paśla pandemii karanavirusnaj infiekcyi 2020-2022 hadoŭ cikavaść da hetaj prablemy ŭzrasła. Ale virusaŭ, jakija vałodajuć pandemičnaj aktyŭnaściu, u śviecie zaraz niama», — skazaŭ jon.
Prafiesar nahadaŭ, što efiektyŭnym sposabam prafiłaktyki hrypu źjaŭlajecca vakcynacyja. Pierš za ŭsio heta tyčycca kantynhientaŭ z hrupy ryzyki: maleńkich dziaciej, ciažarnych žančyn, pažyłych, a taksama ludziej z najaŭnaściu samatyčnych zachvorvańniaŭ u anamniezie.
Ciapier čytajuć
Na Kupianskim kirunku zahinuŭ biełaruski dobraachvotnik Alaksiej «Ryžy» Aŭdziej10
Na Kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary