Časovaja prezidentka Vieniesueły Dełsi Radryhies, jakuju paśla zachopu Nikałasa Madura Donald Tramp padtrymaŭ jak pierachodnuju fihuru, była pad pilnym vokam amierykanskich słužbaŭ.
Radryhies, jakaja pry Madura była vice-prezidentkaj, hadami znachodziłasia ŭ poli zroku Upraŭleńnia pa baraćbie z narkotykami ZŠA (DEA), a ŭ 2022 hodzie navat była paznačana jak «pryjarytetnaja cel» — hety status DEA pakidaje za padazravanymi, jakija, jak miarkujecca, majuć značny ŭpłyŭ na handal narkotykami, paviedamlaje Associated Press.
DEA sabrała padrabiaznaje raźviedvalnaje daśje na Radryhies, minimum z 2018 hoda, siarod abvinavačańniaŭ u daśje — ad handlu narkotykami da kantrabandy zołata. U pačatku 2021 hoda Radryhies nibyta vykarystoŭvała hateli na karybskim kurortnym vostravie Marharyta «jak prykryćcio dla admyvańnia hrošaj». ZŠA daŭno ličać hety kurortny vostraŭ stratehičnym vuzłom dla maršrutaŭ handlu narkotykami ŭ Karybski basiejn i Jeŭropu.
Taksama jaje źviazvali ź mierkavanym «kašalkom» Madura Aleksam Saabam, kałumbijskim biznesmienam, jakoha amierykanskija ŭłady aryštavali ŭ 2020 hodzie pa abvinavačvańni ŭ admyvańni hrošaj.
Urad ZŠA nikoli publična nie abvinavačvaŭ Radryhies u jakich-niebudź kryminalnych złačynstvach.
Dakumienty, razhledžanyja AP, nie tłumačać dakładna, čamu Radryhies była ŭźviedziena ŭ status «pryjarytetnaj celi». U viedamstva ŭ luby momant jość sotni pryjarytetnych celaŭ, i najaŭnaść hetaha jarłyka nieabaviazkova pryvodzić da pradjaŭleńnia kryminalnych abvinavačvańniaŭ.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary