Masavyja pratesty ŭ Sierbii: studenty pierakryli aŭtamahistral u Białhradzie, da ich dałučylisia fiermiery na traktarach
U stalicy Sierbii Białhradzie ŭ paniadziełak udzielniki akcyi pratestu studentaŭ pierakryli važnuju transpartnuju mahistral. Błakada pavinna praciahnucca 24 hadziny.
U akcyi ŭdzielničajuć i pradstaŭniki inšych hrup nasielnictva, jakija padtrymlivajuć patrabavańni studentaŭ — u pryvatnaści, fiermiery pryjechali na traktarach, piša Radyjo Svaboda.
Pratesty ŭ Białhradzie i inšych haradach Sierbii praciahvajucca ŭžo bolš za miesiac. Jany pačalisia paśla trahiedyi ŭ horadzie Novi-Sad na poŭnačy Sierbii. Tam 1 listapada praz padzieńnie dachu na čyhunačnym vakzale zahinuli 15 čałaviek.
Studenty pieršapačatkova zapatrabavali prazrystaha rasśledavańnia trahiedyi i pryciahnieńnia da adkaznaści vinavatych. Studenty, jakich padtrymlivajuć aktyvisty apazicyi i pradstaŭniki hramadzianskaj supolnaści, ličać adkaznymi za toje, što zdaryłasia ŭłady, abvinavačvajučy ich u karupcyi, jakaja i pryviała da niajakasnaha ramontu budynka vakzała.
Paśla taho, jak ułady, na dumku ŭdzielnikaŭ akcyj pratestu, nie prysłuchalisia da ich patrabavańniaŭ, pačali vyłučacca i palityčnyja patrabavańni, u pryvatnaści ab stvareńni pierachodnaha ŭrada, jaki padrychtavaŭ by svabodnyja daterminovyja vybary ŭ parłamient. Dla mnohich udzielnikaŭ pratestaŭ trahiedyja ŭ Novi-Sadzie stała paćviardžeńniem taho, što, na ich dumku, urad i Prezident Alaksandr Vučyč viaduć krainu pa niapravilnym šlachu.
Paśla sieryi masavych mitynhaŭ u minułuju piatnicu byŭ arhanizavany ŭsieahulny strajk, da jakoha dałučylisia navučalnyja ŭstanovy i kala 200 kampanij pa ŭsioj krainie. U vychodnyja ŭ Białhradzie i inšych haradach znoŭ prajšli maršy pratestu.
Jašče ŭ śniežni zabłakavanaja praca bolš za 50 fakultetaŭ čatyroch dziaržaŭnych univiersitetaŭ, a taksama dziasiatkaŭ siarednich škoł.
Prezident Vučyč, z adnaho boku, abiacaje prysłuchacca da patrabavańniaŭ udzielnikaŭ akcyj pratestu. U pryvatnaści ŭ subotu jon zaklikaŭ čynoŭnikaŭ apublikavać usie dakumienty, źviazanyja z rekanstrukcyjaj vakzała — heta adno z patrabavańniaŭ studentaŭ. Ź inšaha boku, Vučyč i jaho prychilniki abvinavačvajuć demanstrantaŭ u supracoŭnictvie ź niejkimi zamiežnymi siłami z metaj destabilizavać Sierbiju.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary