Sistema supraćrakietnaj abarony «Žalezny kupał» paśpiachova vykarystoŭvajecca Izrailem dla adbićcia źniešnich pavietranych atak.
Prezident Donald Tramp zajaviŭ u paniadziełak, što padpiša ŭkaz ab pačatku budaŭnictva ŭ ZŠA sistemy supraćpavietranaj abarony «Žalezny kupał», padobnaj da toj, jakuju Izrail vykarystoŭvaje dla pierachopu tysiač rakiet, piša «Hołas Amieryki».
«My pavinny nieadkładna pačać budaŭnictva sučasnaha supraćrakietnaha ščyta «Žalezny kupał», jaki zmoža abaranić amierykancaŭ», — skazaŭ Tramp na vyjaznym pasiadžeńni respublikanskaha kanhresa ŭ Majami.
Pa słovach Trampa, sistema «budzie zroblenaja mienavita tut, u ZŠA».
Vystupajučy ŭ dzień ustupleńnia na pasadu novaha ministra abarony Pita Chiehseta, Tramp paviedamiŭ, što heta adno z čatyroch jaho budučych rasparadžeńniaŭ, razam z ukazam, jaki zabaraniaje «transhiendarnuju ideałohiju» ŭ vojsku.
Padčas pieradvybarčaj kampanii 2024 hoda Tramp nieadnarazova abiacaŭ stvaryć dla Złučanych Štataŭ anałah izrailskaj sistemy «Žalezny kupał». Adnak hetaja sistema pryznačanaja pieravažna dla pahroz małoj dalokaści, što robić jaje małaefiektyŭnaj dla abarony ad mižkantynientalnych rakiet, jakija źjaŭlajucca hałoŭnaj pahrozaj dla ZŠA.
Izrail vykarystoŭvaŭ hetuju sistemu dla źbivańnia rakiet, zapuščanych jaho rehijanalnymi praciŭnikami — CHAMAS u siektary Haza i «Chiezbałoj» u Livanie — paśla napadu CHAMAS na Izrail 7 kastryčnika.
«Jany źbivajuć praktyčna kožnuju z hetych rakiet, — skazaŭ Tramp. — Tamu ja liču, što Złučanyja Štaty taksama majuć na heta prava».
Sistema «Žalezny kupał» była raspracavanaja Izrailem pry padtrymcy ZŠA. Jana śpiecyjalizujecca na źbivańni rakiet małoj dalokaści. Z pačatku jaje ekspłuatacyi ŭ 2011 hodzie z dapamohaj hetaj sistemy byli vyjaŭlenyja i pierachoplenyja tysiačy rakiet, uklučajučy apošnija ataki CHAMAS i «Chiezbały». Izrail śćviardžaje, što kaeficyjent paśpiachovaści jaje pracy składaje bolš za 90%.
Ciapier čytajuć
Zahinuŭ biełaruski dobraachvotnik Vasil «Dzir» Rapicki12
Kamientary
Tolki voś ź mieksikanskim zalivam u jaho udała atrymałasia.
Płošča Izraila - 22 tys. kv. km, ź jaje bolš čym pałovu (12.5 tys. kv. km.) zajmaje pustynia Nehiev, nieba nad jakoj prykryvać nia treba. Zastajecca hruba 9.5 tys. kv.km.
Płošča ZŠA - 9834 tys. kv. km., pustyni zajmajuć 920 tys. kv. km., płošča słabanasielenaj Alaski 1718 tys. kv. km. - treba prykryć kala 7000 tys kv. km. - prynamsi ŭ 700 razoŭ bolš. A voś VVP ZŠA bolšy za izrailski tolki ŭ 54 razy. To bok Žalezny kupał ZŠA stvoryć cisk na amierykanskuju ekanomiku ŭ 13 razoŭ macniejšy za izrailskuju. A ŭ ZŠA zaraz z-za čarhovaj ptušynaj pandemii jajki ažno da 9 dalaraŭ za dziužynu padaraželi.
Doni, dzie voźmieš hrošy? Pradaš memkojny $TRUMP i $MELANIA albo Mask padaryć?