Žychara Mahilova, jaki adbivaŭsia ad hubazikaŭcaŭ u cyvilnym, buduć sudzić pa rasstrelnym artykule
62-hadovy Alaksandr Kandryčyn abvinavačvajecca ŭ zamachu na zabojstva, hvałcie ŭ adnosinach milicyjaniera i ŭ niezakonnym abarocie zbroi.
U Mahiloŭskim abłasnym sudzie 11 lutaha 2025 hoda pačniecca praces nad 62-hadovym žycharom Mahilova Alaksandram Kandryčynym. Sud budzie zakryty.
Kandryčyn — toj samy mahiloviec, jaki 23 vieraśnia 2024 hoda adbivaŭsia z nažom ad hubazikaŭcaŭ, apranutych u cyvilnaje.
Pa viersii milicyi, da jaho padyšli «dla prafiłaktyčnaj razmovy» — choć pa zakanadaŭstvie pasiarod vulicy nie moža adbyvacca padobnych jurydyčnych dziejańniaŭ. Mahčyma, jaho sprabavali zatrymać. Što adbyvałasia dalej, nie da kanca zrazumieła. Pa viersii milicyi, Kandryčyn dastaŭ nož i staŭ adbivacca: «nie mienš za dva [ŭdary adnamu hubazikaŭcu] i piać udaraŭ [druhomu], u tym liku ŭ vobłaść hrudnoj kletki» Śćviardžałasia, što adzin ź ich nibyta trapiŭ u reanimacyju.
U kišeni mužčyny znajšli samarobny pistalet, ale niezrazumieła, ci jon byŭ zaradžany. Kandryčyn na milicejskim videa kazaŭ, što nie pamiataje heta.
U milicejskim roliku taksama pakazali kadry ź pieratrusu z doma mahiloŭca. Byli vidać roznyja nažy, častka ź jakich kuchonnyja, a taksama knihi — adna pra maniety, druhaja pra vybuchovyja rečyvy. Aproč taho, uzhadvałasia, što ŭ mužčyny byli knihi pa psichałohii i «ekstremisckaja litaratura» — mahčyma, havorka pra pieradvybarčy płakat Śviatłany Cichanoŭskaj.
U vyniku Kandryčynu vystavili abvinavačvańnie pa troch artykułach Kryminalnaha kodeksu:
- 295 č. 2 — Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ (pakarańnie ad vypraŭlenčych prac da 7 hadoŭ kałonii).
- 364 — Hvałt abo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ (pakarańnie ad aryštu da 7 hadoŭ kałonii).
- 139 č. 2 — Zabojstva (pakarańnie ad 8 hadoŭ da rasstrełu).
Čamu na mahiloŭca zaviali spravu za zabojstva, choć jon nikoha nie zabiŭ? Łohika prakuratury ŭ tym, što jon nibyta ździejśniŭ zamach na zabojstva (bo nanios udar u žyćciova važny orhan), ale nie davioŭ zadumu da kanca pa niezaležnych ad siabie abstavinach — bo na jaho navalilisia i zabrali nož. Tamu farmalna jamu pahražaje takoje samoje pakarańnie, jak i za žorstkaje zabojstva — až da pažyćciovaha źniavoleńnia ci rasstrełu.
Sudździa — Vasil Hałkoŭski. Da 2024 hoda jon pracavaŭ u sudzie Babrujska, a paśla pajšoŭ na pavyšeńnie ŭ Mahiloŭski abłasny sud.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy11
Kamientary