«Jabłyčny vocat» — sieryjał na realnych padziejach pra instahramnuju machlarku maštabaŭ, u jakija ciažka pavieryć

«Jabłyčny vocat» užo paraŭnoŭvajuć ź inšym chitom Netflix, ale ad 2022 hoda — sieryjałam «Prydumlajučy Hannu» (Inventing Anna). Heta była historyja machlarki Hanny Sarokinaj, jakaja padmanuła vyšejšy śviet Ńju-Jorka i prymusiła bahaciejaŭ pavieryć, što jana — niamieckaja spadkajemica z dostupam da vialikich hrošaj.

Ciapierašniaja premjera pra maładuju i zornuju machlarku taksama zasnavana na realnaj historyi. U 2013-m aŭstralijka Bel Hibsan zapuściła mabilny dadatak z paradami pa charčavańni i alternatyŭnaj miedycynie. Dziaŭčyna śćviardžała, što dziakujučy im pieramahła rak mozha — i heta ŭ stadyi, kali joj byccam by zastavałasia žyć «šeść tydniaŭ, maksimum čatyry miesiacy».

Sieryjał raskazvaje historyju Bel ažno ŭ niekalkich paralelnych linijach. Pieršaja ź ich — zaradžeńnie fienomiena Bel, jakaja pačała hurtavać vakoł siabie ludziej praz svoj aptymizm. Nam taksama pakazvajuć byłuju siabroŭku Bel, jakaja dapamahaje jaje vykryvać, i samu Bel praź niekalki hadoŭ, kali jana sprabuje dać intervju i apraŭdać siabie.

Taki styl apoviedu pakazvaje, jak štohod u pavodzinach Bel paŭtaralisia adny i tyja ž schiemy patałahičnaj chłuśni i manipulacyj. Jana robić heta, bo nie moža dać rady tamu patałahičnamu imknieńniu padabacca, jakoje zrabiłasia firmovym atrybutam ery sacsietak. U sieryjale nadzialajuć uvahu tamu, kab patłumačyć matyvy dziaŭčyny, navat kali zdajecca, što nie varta słuchać hołas takoj chłuślivaj hieraini.

Ale ž zastajecca pytańnie, mima jakoha nie prajści: jakim čałaviekam treba być, kab schłusić, što ŭ ciabie rak mozha? I nie prosta schłusić — Bel pabudavała na svajoj historyi maleńkuju viełnes-impieryju. Akramia mabilnaha dadatku, dziaŭčyna vypuściła knihu z receptami i ładziła natchnialnyja lekcyi.

Pavialičyć

Niahledziačy na mudrahielistaje pieraplacieńnie linij času, u Netflix atrymaŭsia fajny sieryjał dla zapojnaha prahladu. U dadatak da śmiełaj pabudovy siužetu, akciory pieryjadyčna łamajuć čaćviortuju ścianu i źviartajucca da hledačoŭ. Asobnuju ŭvahu nadajuć słovam pra toje, što sieryjał zasnavany na praŭdzivaj historyi, jakaja nasamreč zasnavanaja na chłuśni.

«Jabłyčny vocat» moh by atrymacca chvostkaj satyraj na śviet instahramnych sielebryci, ale zamiest hetaha sieryjał imkniecca raskazvać pra fanataŭ alternatyŭnaj miedycyny — i robić heta dalikatna i biez asudžeńnia. Ciapierašni sieryjał Netflix atrymaŭsia daśledavańniem čałaviečaj pryrody, i nie tolki balučaha žadańnia padabacca, ale i taho, što matyvuje ludziej brać na ŭzbrajeńnie sumnieŭnyja i časam vidavočna šarłatanskija idei.

Zdajecca, składana zrazumieć dziaŭčynu, jakaja sychodzić ad cełaha kansiliumu daktaroŭ, kab lačyć svoj rak alternatyŭnymi srodkami, navat kali bolš radykalnyja srodki praktyčna harantujuć joj vyžyvańnie. I nie mienš składana zrazumieć, jak darosłyja ludzi sprabujuć lačyć rak amiałoj — raślinaj-parazitam, jakaja, nibyta rak, «u vyniku zabivaje svajho nośbita», a padobnaje, ličać psieŭdalekary, zabivaje padobnaje.

Ale ŭ «Jabłyčnym vocatu» pakazvajuć, što jość i druhi bok. Tak, amputacyja ruki, paškodžanaj rakam, moža, i dała b dziaŭčynie 90% šans na vyžyvańnie, ale važna zrazumieć i jaje — jak skazaŭ adzin z daktaroŭ, «ja nie pryhožaja maładaja žančyna, i heta nie maja ruka». Sieryjał padkazvaje: mahčyma, imknieńnie da sumnieŭnych miedyčnych mietadaŭ — heta nie prosta žadańnie atrymać inšuju pierśpiektyvu, ale i reakcyja čałavieka, da jakoha nie zmahli dahrukacca daktary.

Hety pa-majstersku zrobleny prajekt vyhladaje papiaredžańniem, i havorka nie tolki pra adeptaŭ nietradycyjnaj miedycyny dy fanataŭ instahramnych huru. «Jabłyčny vocat» pakazvaje, što moža być, kali stracić pačućcio miery va ŭciokach ad realnaści. Jak i ŭ vypadku z hierojami sieryjała, realnaść nahonić tady, kali hetaha mienš za ŭsio čakaješ, i budzie baluča.

• 6
• 0
• 1
• 1
• 1
• 0
• 0
• 0