Na płatformie «Bajsoł» źjaviłasia paviedamleńnie pra zbor na karyść niadaŭna vyzvalenaj praz amal 4 hady źniavoleńnia Paliny Šarendy-Panasiuk.
Palina Šarenda-Panasiuk — hramadskaja aktyvistka z Bresta. Jaje zatrymali 3 studzienia 2021 hoda, a 9 červienia taho samaha hoda asudzili na 2 hady pazbaŭleńnia voli ŭ kałonii va ŭmovach ahulnaha režymu. Jaje abvinavačvali pa art. 364 KK RB (hvałt u dačynieńni da supracoŭnika milicyi), a taksama pa artykułach ab abrazie Łukašenki (art. 368 KK RB) i pradstaŭnika ŭłady (art. 369 KK RB).
Padčas źniavoleńnia žančynu niekalki razoŭ źmiaščali ŭ karcer, jana skardziłasia na psichałahičny i fizičny cisk. Hałoŭnaje ž — što jaje nie vypuskali navat paśla zakančeńnia terminu źniavoleńnia, dva razy arhanizavaŭšy novyja prysudy, jakimi dadavałasia novyja terminy.
Palina vyjšła na volu 1 lutaha 2025 hoda, pravioŭšy bolš za čatyry hady ŭ źniavoleńni.
Za čatyry hady źniavoleńnia Palinu trymali ŭ izalacyi amal 180 dzion, źbivali, adpraŭlali na psichijatryčnuju ekśpiertyzu. Joj nie akazvali miedycynskuju dapamohu, niahledziačy na ciažki stan.
6 lutaha stała viadoma, što Palinie Šarendzie-Panasiuk udałosia vyjechać za miežy Biełarusi, a ŭčora ŭviečary jana pryjechała ŭ Vilniu, dzie ŭpieršyniu za apošnija čatyry hady pabačyła muža, dziaciej i siabroŭ.
Ciapier Palinie patrebnaja padtrymka dla adnaŭleńnia — jak fizičnaha, tak i emacyjnaha. Tamu pa prośbie siamji adkryty zbor na 5 tysiač jeŭra.
Vaša dapamoha — heta krok da taho, kab žančyna zmahła spakojna adpačyć, papravić zdaroŭje i viarnucca da narmalnaha žyćcia.
Padtrymać Palinu Šarendu-Panasiuk danatam možna pa spasyłcy.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary