Prakopjeŭ u 2022-m prapanoŭvaŭ ukraincam zajści na terytoryju Biełarusi
«Vyniki mieli b psichałahičny efiekt, padobny da taho, što adbyłosia, kali ŭkrainskija vajskoŭcy paźniej praviali rejd u Kurskuju vobłaść Rasii».
Hramadski dziejač i były minski restaratar Vadzim Prakopjeŭ u kamientary amierykanskamu vajennamu vydańniu 9FortyFive's zhadaŭ pieršyja dni poŭnamaštabnaj vajny va Ukrainie.
«Ja prybyŭ u Kijeŭ na treci dzień paśla ŭvarvańnia.
Supracoŭničajučy z ukrainskimi padraździaleńniami, my prapanavali asimietryčny adkaz na terytoryi Biełarusi, i heta mieła b poŭnuju padtrymku miascovaha nasielnictva. Vyniki mieli b psichałahičny efiekt, padobny da taho, što adbyłosia, kali ŭkrainskija vajskoŭcy paźniej praviali rejd u Kurskuju vobłaść Rasii ŭ žniŭni 2024 hoda», — skazaŭ Prakopjeŭ.
Adnak jaho płan byŭ adchileny ŭkrainskim vajskovym kiraŭnictvam.
Prakopjeŭ razvažaje, što Łukašenka zrabiŭ vialikuju pamyłku — jon pastaviŭ usio na paśpiachovuju «małankavuju vajnu» Pucina.
«Jon hulaŭ i prajhraŭ. Jon spadziavaŭsia, što Pucin chutka złomić Ukrainu i ŭvojdzie ŭ Kijeŭ, i tady jany razam buduć pieramožcami. A pieramožcy, jak viadoma, nie traplajuć na łavu padsudnych u Haazie».
Łukašenka, ličyć Prakopjeŭ, ciapier choča znoŭ stać pasiarednikam u pieramovach pamiž Ukrainaj i Rasijaj, kab vyjści z-pad sankcyj i adnavić svoj status.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary