Minčuk śpiecyjalna pajechaŭ za miažu, kab pieravieści hrošy telefonnym machlaram
U milicyju źviarnuŭsia 36-hadovy minčuk, jaki staŭ achviaraj telefonnych afierystaŭ. Mužčynu patelefanavaŭ nieviadomy, jaki pradstaviŭsia rabotnikam banka, i paviedamiŭ, što złamyśniki aformili na jaho niekalki kredytaŭ, piša pres-słužba MUS.
Kab ich anulavać i praduchilić stratu hrošaj, minčuku prapanavali zapisać videa z admovaj ad usich bankaŭskich apieracyj. Kab paźbiehnuć prablem z zakonam surazmoŭca zabaraniŭ kamu-niebudź raspaviadać pra toje, što zdaryłasia.
Dalej pajšła historyja ab budučym pieratrusie i nieabchodnaści «zadekłaravać źbieražeńni».
Dla hetaha paciarpiełamu skazali adpravicca ŭ susiedniuju krainu, abhruntavaŭšy tym, što ŭ Biełarusi dla jaho zabłakavanyja ŭsie tranzakcyi.
Pa viartańni dadomu achviaru pierakanali pavialičyć kredytnuju nahruzku i ŭziać pazyku nibyta dla taho, kab ŭjaŭnyja ašukancy nie zmahli aformić na jaho novyja kredyty.
Častku z hetych srodkaŭ jon pieravioŭ «na biaśpiečny rachunak» dobraachvotna, a kali hrošy z karty pačali śpisvacca bieź jaho ŭdziełu, zrazumieŭ, što staŭ achviaraj padmanu.
U sumie minčuk addaŭ afierystam 130 tysiač rubloŭ.
Kamientary
ra-
sie-
ja