Heta ad pačatku było «hienijalnaj» zadumaj: ładzić cykłapičny prajekt asłableńnia enierhietyčnaj zaležnaści ad Maskvy u kaapieracyi z… Maskvoj. Piša ŭ svaim błohu na NN Alaksandr Kłaskoŭski.
Rasija dzielić skuru niezabitaha miadźviedzia. Jana prapanuje stvaryć SP, kab pradavać elektryčnaść ź biełaruskaj AES. A inačaj mohuć i kredyt na jaje pabudovu nie dać.
Siensacyjnuju infu abnarodavaŭ
Sapraŭdy, jość nad čym pačuchać patylicu. Ajčynnaje načalstva, zdajecca, tolki zaraz asensoŭvaje, jak Maskva abviała vakoł palca z Mytnym źviazam. Dniami Łukašenka zajaviŭ: my ž zhadžalisia na toj źviaz «biez vyniatkaŭ», a tak, maŭlaŭ, ci patrebien jon nam.
Ad falšyvaj idylii, što demanstravali prezidenty Biełarusi, Rasii dy Kazachstana ŭvosień letaś u ałmazie viedaŭ, i śledu nie zastałosia. Ekśpierty ž papiaredžvali: djabał toicca ŭ detalach. Tak jano i stałasia. Ružovyja nadziei na biazmytnuju naftu hruba rastaptanyja.
A vyjści zaraz — dyk jašče i na haz myta ŭviaduć. Karaciej, trapili jak ščupak u nierat.
Toje ž samaje moža atrymacca z prajektam AES, ź jakim tutejšaje načalstva tak doŭha nasiłasia by kuryca ź jajkam. Znoŭ vymaloŭvajecca taja ž schiema:
Załatyja dziańki bratniaj intehracyi minuli. Pajšoŭ sucelny abłom.
Ekśpierty tłumačać: praz stvareńnie taho SP rasijcy chočuć atrymać niejkuju harantyju, što kredyt budzie viernuty. To bok,
Biełaruś faktyčna budzie raźličvacca vypracavanaj na AES elektryčnaściu.
Što ž, maskoŭskuju pierastrachoŭku ad kidałava, jakoha tak bahata ŭ dačynieńniach zaklatych sajuźnikaŭ, možna zrazumieć. Ale ž
pra jakuju samastojnaść u atamnaj enierhietycy možna tady vieści havorku? Za što zmahalisia?
U takim razie Maskva, na dumku ekanamista Leanida Złotnikava, «budzie pretendavać na prava udzielničać u farmavańni cenavaj palityki, vyznačać, kamu, kudy i kolki elektraenierhii pradavać. Aproč taho, nie vyklučana, što ŭdzieł u SP dazvolić rasijskamu boku kantralavać nie tolki finansavyja płyni, ale i pracu samoj stancyi».
Padajecca, heta ad pačatku było «hienijalnaj» zadumaj: ładzić cykłapičny prajekt asłableńnia enierhietyčnaj zaležnaści ad Rasii u kaapieracyi z… Rasijaj.
Ci stanie biełaruskamu načalstvu zdarovaha sensu dy rašučaści pierarvać
Kamientary