Što čuvać u RTBD paśla čystak repiertuaru i zvalnieńnia najbolš zornych akcioraŭ?
Vosieńskija čystki ŭ Respublikanskim teatry biełaruskaj dramaturhii pryviali da zvalnieńnia samych zornych akcioraŭ i źniknieńnia z repiertuaru najbolš kasavych śpiektaklaŭ, dzie tyja byli zaniatyja. Jak stała viadoma «Našaj Nivie», na hetym vychavaŭčyja miery ŭ teatry nie skončylisia.
Tak, asobnuju ideałahičnuju razmovu praviali z kamandaj, zaniataj u śpiektakli «Mudramier». Hetaja satyryčnaja kamiedyja była pastaŭlenaja jašče ŭ 2019 hodzie siońniašnim emihrantam, režysioram Alaksandram Harcujevym. Akciory tam, siarod inšaha, hrajuć ministra ŭzhadnieńniaŭ i jaho namieśnikaŭ, i pa siužecie hieroi płanujuć zapuścić u masavuju vytvorčaść aparat «Duramier», zaklikany mierać čałaviečuju duraść.
«Akciory siońnia pavinny demanstravać ideałahičnuju viernaść, pra što im čarhovy raz nahadali», — raspaviała adna z krynic, znajomaja ź situacyjaj.
«Novaja dyrektarka nie asabliva choča stavić staryja śpiektakli, — padzialiŭsia jašče adzin surazmoŭca, — Tamu, jak my bačym, bolšaść «staroha» ŭžo prybrana z repiertuaru, ale niešta jašče trymajecca».
Akciory praciahvajuć hrać inšyja śpiektakli, pastaŭlenyja Harcujevym, naprykład, «Viecier šumić u tapolach», «Kaleka z vostrava Inišman», ale jašče raniej z afišy, naprykład, prybrali pastanoŭku Harcujeva «Karjera doktara Rausa» pa tvory Viktara Marcinoviča. A taksama padčyścili «Sirožu» pa pjesie Julii Čarniaŭskaj.
Z novych prajektaŭ, jakija źjavilisia na scenie RTBD, praca siońniašniaj dyrektarki Śviatłany Navumienka — viečar haradskich kamiedyj «Zaručyny». U im vialikuju dolu akcioraŭ składajuć tyja, chto pryjšoŭ u teatr užo paśla 2020 hoda, niekatoryja — zusim niadaŭna.
Na 19 sakavika zapłanavanaja jašče adna premjera, užo kalektyŭnaj tvorčaści — śpiektakl «Maj chomłend», kamiedyja pra kasmapalityzm.
Što tyčycca zvolnienych akcioraŭ, to niekatoryja ź ich padpisali kantrakty z rasijskim ahientam i źbirajucca zdymacca ŭ Rasii.
Nahadajem, represii zakranuli ścieny RTBD adrazu paśla vybaraŭ-2020. U znak pratestu z teatra zvolnilisia Andrej Novik i Mikałaj Stońka. Illa Jasinski byŭ vymušany źjechać z krainy paśla taho, jak jaho zatrymali na adnym z maršaŭ i złamali pazvanki. U kancy 2021 hoda z teatra byŭ zvolnieny mastacki kiraŭnik Alaksandr Harcujeŭ, jaki ŭznačalvaŭ RTBD z 2012 hoda. Akramia taho, RTBD pakinuli Alena Bajarova, Maryja Piatrovič, Maryna Zdarankova i Maksim Šyško.
U krasaviku 2024 hoda akciora Uładzisłava Nozdryna razam z žonkaj, taksama aktrysaj teatra, asudzili da 2 hadoŭ i 6 miesiacaŭ chatniaj chimii za ŭdzieł u pratestach. U vyniku partfolia Uładzisłava prybrali z sajta teatra. Nieŭzabavie zatrymali zorak kalektyvu Maksima Brahinca, Źmiciera Davidoviča, Arcioma Kurenia i Hannu Siemianiaka, a taksama byłuju dyrektarku teatra. Mužčyny adsiadzieli «sutki» i paśla byli zvolnienyja sa svaich pasad. Da liku tych, chto pakinuŭ teatr, dałučyłasia i Hanna Siemianiaka, a paźniej i jašče adzin akcior — Dzianis Aŭcharenka.
«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie
«Čaho vam nie chapała? Žyvi — nie chaču!» Pahladzieli «Ekstremisty» — novy śpiektakl «Kupałaŭcaŭ»
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»
«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś
Kamientary