«Babu niasie». U źlitaj razmovie rektar BDU prajšoŭsia pa prarektarcy, jakaja pisała spravazdaču ŭ KDB
Niadaŭna «Kibierpartyzany» vykłali list prarektarki pa vychavaŭčaj rabocie BDU Hanny Bakun ab tym, jak jany sprabavała pieravychoŭvać studentaŭ. A ciapier źlili razmovu, dzie rektar univiersiteta Andrej Karol emacyjna vykazvajecca pra kalehu.
Da listapada 2022-ha Bakun zajmała pasadu namieśnika dekana pa vychavaŭčaj rabocie jurydyčnaha fakulteta BDU. Viadomyja fakty ab tym, što Bakun akazvała cisk na pratestujučych studentaŭ. Jana patrabavała ad ich tłumačalnyja, «zaprašała» na pasiadžeńni prafiłaktyki pravaparušeńniaŭ. Žančyna taksama vystupała śviedkaj na sudzie pa «spravie studentaŭ».
Ciapier «Kibierpartyzany» vykłali ŭ sieciva razmovu rektara BDU Andreja Karala z prarektaram pa biaśpiecy i kadrach Jarasłavam Čarkaskim, dzie tyja dajuć charaktarystyku Bakun.
«Nu, i siońnia budzie druhaja «budova vieka»: zaprašu Bakun, budu jaje vielmi žorstka… ź joj razmaŭlać, tamu što babu niasie. Na žal, voś… I ja heta baču ŭ kamunikacyjach jaje sa mnoju. Joj vidavočna nie chapaje ŭłady niejkaj. Nu, uvohule, skandalizm toj, ab jakim my havaryli, jon realna prajaŭlaje siabie»,
— zaŭvažaje Karol i sprabuje znajści tłumačeńnie takim pavodzinam Bakun:
«Adčuvańnie, što vakoł vorahi i što jaje ŭsie sprabujuć niejak prynizić i nastrojenyja da jaje varoža. Voś heta samy hałoŭny jaje psichałahičny, skažam tak, niehatyŭny faktar, jaki dyktuje joj jaje pavodziny».
Rektar upeŭnieny, što, kali nie pasprabavać niejkim čynam skarektavać pavodziny kalehi, jana nie zmoža pracavać ź ludźmi:
«U mianie ŭžo voś dakładnaja ŭpeŭnienaść jość, što jaje realna niasie. Niasie pryčym pa ŭzrastajučaj. I kali heta ciapier niejak… chacia b nie pryhłušyć, to jana ni z kim nie zmoža pracavać».
«Jana žachliva niaŭpeŭnieny čałaviek, tamu siabie tak i pavodzić», — vykazvaŭsia Karol u źlitaj razmovie.
Prarektarka BDU pisała ŭ KDB spravazdaču ab tym, jak sprabavała pieravychoŭvać siem studentaŭ fakulteta fiłasofii
«Kibierpartyzany» ŭzłamali rektara BDU Karala i daviedalisia ŭsio — kachanki, pierapiski, intryhi
«Padvierhnuŭsia krytycy za maładušnaść». Jak ułady viaduć śpisy niełajalnych siłavikoŭ i spartsmienaŭ
Ciapier čytajuć
Syny «litoŭskaha špijona» adpravili Łukašenku list. Tym časam uspłyli novyja detali jaho spravy12
Kamientary
połožiťpostaviť na miesto etoj baby odnu iz svoich nałožnic?!