U harnałyžnym kompleksie ŭ Karobčycach pad Hrodnam zakryli i łyžnuju trasu. Jaje adkryli paśla zakryćcia ciubinhavaj, ale ŭžo na nastupny dzień park aktyŭnaha adpačynku «Karobčycki Alimp» paviedamiŭ, što złamaŭsia padjomnik, piša Hrodna.life.
Park «Karobčycki alimp». Fota: instahram parka
Trasa dla łyž i snoŭbordaŭ, jakuju ŭ hetym hodzie adkryli tolki 21 lutaha, užo z 22 lutaha zakryłasia. Pryčynaj stała pałomka padjomnika, napisali ŭ instahramie kompleksu.
Biez padjomnika pakatacca taksama niemahčyma — na terytoryju kompleksu nikoha nie puskajuć.
«Hrafik pracy 2 praz 363? I tak z hoda ŭ hod…» — iranizujuć u kamientarach.
Pra adnaŭleńnie pracy trasy abiacali paviedamić asobna, ale na hety momant kompleks usio jašče zakryty.
Ciubinhavy schił hetaj zimoj taksama nie prapracavaŭ i tydnia. Spačatku hetamu zaminała anamalna ciopłaje nadvorje. Schił zmahli padrychtavać dla katańnia tolki da 15 lutaha, a na nastupny dzień paśla adkryćcia ciubinhavaj trasy ŭ Karobčycach tam adbyŭsia niaščasny vypadak: 10-hadovaja dziaŭčynka sutyknułasia z dvuma inšymi ciubinhami i atrymała traŭmy.
U vyniku trasu zakryli z 20 lutaha biez tłumačeńnia pryčyn, ale abiacali zamiest padrychtavać łyžny schił.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?2
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary