Jeŭrasajuz płanuje pašyryć biudžet na abaronu i dapamohu Ukrainie. Daradca pa palitycy ES tłumačyć jak
6 sakavika lidary krain ES źbiarucca na samit, dzie adnoj z klučavych tem stanie vajna Rasii suprać Ukrainy. Čakajecca, što staršynia Jeŭrakamisii Ursuła fon der Lajen pradstavić usioabdymny płan pa pieraŭzbrajeńni Jeŭropy, paviedamiŭ «Nastojaŝiemu vriemieni» daradca pa palitycy ES Pietar Tanieŭ.
Tanioŭ paviedamiŭ, što lidary ES užo abmiarkoŭvali stratehiju ŭ vypadku admovy ZŠA praciahvać vajskovuju padtrymku Ukrainy.
«My daŭno ŭžo havaryli pra nieabchodnaść ahulnaha abaronnaha rynku Jeŭrasajuza i naohuł niejkaha prajekta ahulnajeŭrapiejskaj armii pry ŭmovie, što Tramp stanie prezidentam ZŠA: i na placoŭkach Jeŭraparłamienta, i ŭ rabočych hrupach, i ŭ ministerskich kabinietach Savieta ministraŭ zamiežnych spraŭ Jeŭrasajuza. Ciapier ža nadyšła surovaja realnaść, i aktyŭna šukajucca mahčymaści pieraŭzbroić Jeŭropu».
Pavodle jaho słoŭ, 6 sakavika na samicie Jeŭrapiejskaha Savieta abmiarkujuć prajekt dakumienta ad uradaŭ krain Jeŭrapiejskaha Sajuza, jaki zakliča Jeŭrakamisiju nieadkładna pradastavić krainam bolš finansavaj prastory i prapanavać dadatkovyja krynicy finansavańnia dla abarony na ŭzroŭni Jeŭrapiejskaha Sajuza, u tym liku mahčymaść pieraraźmierkavańnia srodkaŭ ź biudžetu Jeŭrasajuza i nacyjanalnych krain-členaŭ.
«Chutčej za ŭsio, hetyja srodki pojduć sa srodkaŭ, jakija pryznačalisia dla rehijanalnaha raźvićcia. Niečym treba achviaravać. I my ŭ Brusieli zaraz čakajem kankretnyja zakliki da Jeŭrakamisii, kab Jeŭrakamisija apieratyŭna pradastaviła adpaviednuju prapanovu», — raskazaŭ Tanieŭ.
Pavodle jaho słoŭ, adnoj ź mieraŭ finansavaj padtrymki krain-členaŭ ES moža stać pasłableńnie biudžetnych praviłaŭ Jeŭrasajuza, kab dazvolić vyklučyć vajennyja raschody z žorstkich deficytnych abmiežavańniaŭ u kantekście fiskalnaj palityki.
Daradca pa palitycy ES padkreśliŭ, što «hrošy nasamreč dla hetaha jość»: «Prosta składanaje fiskalnaje rehulavańnie palityki Jeŭrapiejskaha Sajuza nie praduhledžvaje pavieličeńnia ŭ tych abjomach, u jakich my majem patrebu: heta nie 3%, nie 4%, a ad 5% ci 6% VUP, jakija pavinny vydzialacca na abaronnuju pramysłovaść».
Jość i inšyja varyjanty finansavaj padtrymki, dadaŭ Tanieŭ: zaraz, pavodle jaho słoŭ, u Brusieli abmiarkoŭvajecca stvareńnie abaronnaha fondu z udziełam siarod inšych Vialikabrytanii, Kanady i Narviehii.
«Z tych srodkaŭ, jakija ES źbirajecca vyłučyć na abaronnuju pramysłovaść, hetaja abaronnaja pramysłovaść budzie vykarystoŭvacca dla vajennaj padtrymki Ukrainy ŭ tym liku. Dla abarony Jeŭrapiejskaha Sajuza ŭ cełym i jaho źniešnich miežaŭ, i asabliva na ŭschodnim fłanhu, i ŭ metach vajennaj padtrymki Ukrainy», — udakładniŭ Tanieŭ.
Materyjalna-techničnaja padtrymka Ukrainy z boku Jeŭrasajuza — rakiety, drony, intehravanyja sistemy supraćpavietranaj abarony, sistemy SPA i h.d. — heta nastupny krok paśla standartyzacyi VPK krain Jeŭrapiejskaha Sajuza, dadaŭ palityk.
«U tym liku abmiarkoŭvajecca, jak vykarystoŭvać mahčymaść, maštaby realizacyi ahulnaha VPK Jeŭrapiejskaha Sajuza dla adpraŭki miratvorčych sił va Ukrainu. My časta havorym ab nieabchodnaści miratvorčych sił va Ukrainie, što heta, chutčej za ŭsio, adbudziecca na asnovie niejkaha mandata. Ale, kab heta było, nam patrebna vajennaja pramysłovaść. U tych maštabach, jakija sapraŭdy mohuć pakryć i abaranić pavietranuju prastoru Ukrainy, na dadzieny momant Jeŭrasajuz nie vałodaje liškami. Heta pavinna być pryjarytetam Jeŭrapiejskaha Sajuza. Tamu što faktyčna ŭ takim vypadku ES budzie abaraniać stratehična ŭschodni fłanh jak ES, tak i NATA», — reziumavaŭ Tanieŭ.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary