«Kali vy nie supakoicie dzicia, ja pačnu pomścić». Minskaja siamja sutyknułasia ź dziŭnymi susiedziami
Što rabić, kali susied abjaŭlaje vam vajnu, bo vy nie žyviacie pavodle jahonaha raskładu i šumicie ŭdzień? Z takoj situacyjaj sutyknuŭsia čytač Onlíner.by.
— My z žonkaj i piacihadovym dziciem zasialilisia va ŭłasnuju kvateru ŭ Minsku, jakuju atrymali ŭ spadčynu, tamu i ŭsich žycharoŭ padjezda viedali asabista.
Prablemy pačalisia, kali susied źnizu vyrašyŭ zdavać adzin z pakojaŭ, a sam źjechaŭ. Kvataranty, što źmianialisia, u asnoŭnym byli narmalnymi ludźmi. Tak, časam zdaralisia načnyja hulanki. Tak, zredku da nas danosilisia ŭzdychi i ochi, ale, budučy maładymi, my stavilisia da redkich šumoŭ z razumieńniem.
Ale ŭsio źmianiłasia, kali źnizu pasialilisia novyja «cudoŭnyja» arandatary — małady chłopiec ź dziaŭčynaj.
U adzin z vychadnych žonka hatavała adbiŭnyja, kali raptam razdaŭsia hučny stuk pa batarei. Tady my nie nadali hetamu značeńnia. Ale na nastupny dzień a 18:00 stuk paŭtaryŭsia.
Akazałasia, što jaho čujuć i inšyja susiedzi, ale nichto nie razumieŭ, u čym sprava.
Nieŭzabavie niezadavoleny susied pryjšoŭ da nas z pretenzijaj: naš syn hulaje ŭdzień i pieraškadžaje jamu adpačyvać. Paśla tłumačeńniaŭ žonki, što dzicia nielha prosta pryviazać da batarei, jon zajaviŭ, što budzie dziejničać.
Z hetaha momantu stuk pa batarei staŭ rehularnym, navat kali ŭ kvatery było cicha.
Inšyja žychary doma sprabavali pahavaryć ź im, ale biezvynikova. Dajšło da taho, što jon adkryta pahražaŭ: «Kali vy nie supakoicie dzicia, ja pačnu pomścić».
Stuk nie spyniaŭsia, i adnojčy susied dajšoŭ da našych dźviarej, staŭ kałacić u ich što jość mocy.
«Jak my vyrašyli prablemu? My źviarnulisia da ŭčastkovaha, i ŭžo na nastupny dzień toj naviedaŭ susieda.
Zrazumieła, heta jamu nie spadabałasia, i jon vyrašyŭ pažalicca haspadaru kvatery, jakuju arandavaŭ.
Ale ź im u nas byli vielmi dobryja adnosiny, bo my viedali adzin adnaho daŭno.
U vyniku haspadar padtrymaŭ nas, i kvataranty byli vymušany źjechać. U domie narešcie nastupiŭ spakoj.
Darečy, kvatera i ciapier zdajecca, ale novyja žychary byvajuć roznyja, i da šmat čaho my ŭžo stavimsia praściej».
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej6
Kamientary