Tramp prakamientavaŭ zajavu Pucina ab spynieńni bajavych dziejańniaŭ i zhadaŭ pra Zaparožskuju AES
Prezident ZŠA Donald Tramp prakamientavaŭ zajavu Uładzimira Pucina ab mahčymaści spynieńni bajavych dziejańniaŭ, vykazaŭšy nadzieju, što Rasija budzie siabie pavodzić pravilna.
«Pucin zrabiŭ vielmi šmatabiacalnuju zajavu, ale jana nie była poŭnaj», — skazaŭ Tramp žurnalistam padčas sustrečy ŭ Avalnym kabiniecie z hienieralnym sakratarom NATA Markam Rute.
Jon vykazaŭ hatoŭnaść asabista havaryć z Pucinym.
Pa słovach Trampa, u kantekście spynieńnia bajavych dziejańniaŭ ciapier abmiarkoŭvajuć toje, jakija ziemli maje stracić Ukraina, u tym liku staić i pytańnie kantrolu nad Zaparožskaj AES. Hetaja najbujniejšaja ŭ Jeŭropie atamnaja elektrastancyja była zachoplenaja Rasijaj viasnoj 2022 hoda na pačatkovym etapie vajennych dziejańniaŭ.
«My abmiarkoŭvali z Ukrainaj terytoryi i jaje častki, jakija buduć utrymanyja i stračanyja, a taksama ŭsie inšyja elemienty kančatkovaha pahadnieńnia. Heta elektrastancyja, vy viedajecie, vielmi vialikaja elektrastancyja. Kamu dastaniecca elektrastancyja i kamu dastaniecca toje i toje? I tamu, viedajecie, heta niaprosty praces. Ale pieršy etap — heta spynieńnie ahniu», — zajaviŭ prezident ZŠA.
Havoračy pra mahčymaje siabroŭstva Ukrainy ŭ NATA, Tramp zajaviŭ, što adkaz na hetaje pytańnie «viadomy ŭžo 40 hadoŭ».
Pry hetym prezident ZŠA «nie dumaje», što Rasija budzie paśla zaklučeńnia miru napadać na kahości z sajuźnikaŭ ZŠA: «My pakłapocimsia, kab hetaha nie adbyłosia».
«Ich taktyka jość i budzie — chłusić i vinavacić». Va Ukrainie adreahavali na zajavu Pucina adnosna 30-dzionaha pieramirja
Pucin: My zhodnyja z prapanovami spynić bajavyja dziejańni, ale jość niuansy
«Nafih ja siudy pryjšoŭ?» Łaŭroŭ nie strymaŭ emocyj pierad sustrečaj Pucina i Łukašenki VIDEA
Łukašenka: Tramp zranku kaža adno, a viečaram druhoje
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»18
Kamientary