Prezident ZŠA na sustrečy z hienieralnym sakratarom NATA abmiarkoŭvaŭ los najbujniejšaha ŭ śviecie vostrava, piša «Hołas Amieryki».
U čaćvier prezident ZŠA Donald Tramp na sustrečy z hienieralnym sakratarom NATA Markam Rute patłumačyŭ, što kantrol ZŠA nad Hrenłandyjaj nieabchodny dla ŭmacavańnia mižnarodnaj biaśpieki.
«Viedaješ, Mark, nam heta treba dla [padtrymańnia] mižnarodnaj biaśpieki, nie prosta biaśpieki — mižnarodnaj — u nas šmat našych lubimych hulcoŭ, jakija kursirujuć uzdoŭž uźbiarežža, i my pavinny być aściarožnymi», — skazaŭ Tramp Rute, kali jany siadzieli pobač adzin z adnym u Avalnym kabiniecie Biełaha doma na pieramovach.
Na pramoje pytańnie ab pierśpiektyvie dałučeńnia arktyčnaha vostrava Tramp adkazaŭ: «Ja dumaju, što heta adbudziecca».
Mark Rute skazaŭ Trampu, što jon pakinie pytańnie ab budučyni Hrenłandyi inšym i što jon «nie choča ŭciahvać NATA» ŭ hetyja debaty. Kiraŭnik NATA ličyć, što heta pavinna być temaj dla abmierkavańnia ŭ krainach «krajniej poŭnačy», bo Kitaj i Rasija vykarystoŭvajuć vodnyja šlachi ŭ hetym rehijonie.
Donald Tramp nahadaŭ, što Danija admaŭlajecca abmiarkoŭvać hetuju temu, i što jon moža adpravić bolš amierykanskich vojskaŭ dla padtrymki amierykanskich baz u Hrenłandyi.
«My majem spravu z Danijaj, my majem spravu z Hrenłandyjaj, i my pavinny heta zrabić. Nam heta sapraŭdy treba dla nacyjanalnaj biaśpieki. Ja dumaju, mienavita tamu NATA, mahčyma, daviadziecca ŭmiašacca, bo nam sapraŭdy patrebna Hrenłandyja dla našaj biaśpieki. Heta vielmi važna», — padkreśliŭ prezident ZŠA.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Siońnia rolu Hitlera, tolki ŭžo ŭ Pucina, vykonvaje Tramp.
Darečy i Hitler, i Tramp zakonna abranyja prezidenty.
Ale Kreml zakis ŭ stalinskich mietadyčkach, a Jeŭropa siońnia heta nie paasobnyja dziaržavy, źniasilennyja 1-j Suśvietnaj.