Siem typaŭ «pjanaj asoby»: kim vy stanoviciesia pad uździejańniem ałkaholu i što heta aznačaje?
Ałkahol dziejničaje na kožnaha pa-roznamu, ale niekatoryja madeli pavodzin sustrakajucca čaściej. Tak źjaviłasia paniaćcie «pjanyja asoby». Ich siem. Daviedajciesia, da jakoha typu naležycie vy, čamu reahujecie na ałkahol mienavita tak i kali heta moža być tryvožnym sihnałam.
Pavodle śpiecyjalistaŭ, ałkahol stymuluje vykid noradrenalinu — niejramiedyjatara, jaki aktyvizuje mozh i cieła. Heta źnižaje samakantrol, robić nas bolš impulsiŭnymi. Taksama ałkahol pryhniataje pracu pryfrantalnaj kary, jakaja adkazvaje za racyjanalnyja rašeńni.
Vypitaje chutka traplaje ŭ kroŭ i dasiahaje mozhu prykładna za piać chvilin. Čym bolšaja kancentracyja ałkaholu ŭ arhaniźmie, tym macniejšaje ŭździejańnie na asobu. U vyniku čałaviek tracić strymanaść i moža zrabić toje, na što ŭ ćviarozym stanie nikoli b nie advažyŭsia.
Reakcyja na ałkahol zaležyć ad šerahu faktaraŭ, u tym liku ad hienietyki i indyvidualnych asablivaściaŭ charaktaru. Chtości zastajecca takim, jak jość, a chtości źmianiajecca da niepaznavalnaści.
Jak piša medonet.pl, doktar Aleks Li (Alex Lee), jaki dapamahaje ludziam z ałkaholnaj zaležnaściu praz płatformu telemiedycyny Ria Health, vyłučaje siem typaŭ «pjanaj asoby».
1. Viasioły pjanica
Bolšaść ludziej paśla vypitaj čarki adčuvaje ejfaryju, ale ŭ niekatorych hetaje adčuvańnie zastajecca, kolki b jany ni vypili. Jany mohuć błytacca ŭ słovach ci hublać kaardynacyju, ale nastroj u ich zaŭsiody vydatny.
Ałkahol źnižaje ŭzrovień tryvožnaści, dapamahajučy na peŭny čas zabycca na prablemy i viesialicca ŭsiu noč.
— Kali vy nie ŭžyvajecie ałkahol rehularna dla źniaćcia tryvohi, niama ničoha drennaha ŭ tym, kab być viasiołym pjanicam, — kaža doktar Li.
2. Ahresiŭny pjanica
Hety typ źjaŭlajecca poŭnaj supraćlehłaściu papiaredniamu. Zamiest radaści čałaviek adčuvaje ŭsio bolš razdražnieńnia i złości. Jon moža stanavicca varožym i navat ahresiŭnym.
Daśledavańni pakazvajuć, što ałkahol macniej za ŭsio ŭździejničaje na ahresiju ŭ tych, chto schilny zasiarodžvacca na «tut i ciapier», a nie na budučyni.
Kali razdražnieńnie pierarastaje ŭ ahresiju, heta moža pahražać siamji i siabram.
3. Čullivy pjanica
U takich ludziej ałkahol zdymaje psichałahičnyja barjery, robiačy ich bolš emacyjnymi i piaščotnymi.
Praźmiernaja piaščota i emacyjnaść u adnosinach da znajomych — zvyčajnaja źjava. Adnak ałkahol źnižaje samakantrol i asłablaje pilnaść, asabliva ŭ znosinach ź nieznajomcami. Heta moža pryvieści da niepažadanych situacyj: praźmiernaj davierlivaści, nieprystojnych kantaktaŭ abo niebiaśpiečnych pavodzin.
4. Nieachajny pjanica
«Nieachajnyja pjanicy» majuć schilnaść pierabirać z ałkaholem, a ŭ stanie apjanieńnia nie źviartajuć uvahi na toje, što jany rastrapanyja ci vypackanyja. U takim stanie jany mohuć pavodzić siabie nie samym lepšym čynam i trapić u niajomkija situacyi.
— Zališniaje spažyvańnie ałkaholu moža zrabić nieachajnymi navat samych akuratnych ludziej. Heta źviazana z tym, što ałkahol aktyvuje ŭ mozhu receptar, jaki paharšaje kaardynacyju ruchaŭ, — tłumačyć doktar Li.
Akramia taho, śpiecyjalist źviartaje ŭvahu na toje, što padobnyja pavodziny mohuć niehatyŭna ŭpłyvać na adnosiny ź blizkimi, jakija mohuć stamicca ad pastajannych kłopataŭ pra čałavieka, jaki znoŭ pierabraŭ sa śpirtnym.
5. Biezrazvažny pjanica
Niekatoryja ludzi pad uździejańniem ałkaholu hublajuć pačućcio miery i schilnyja da ryzykoŭnych učynkaŭ. Heta moža być jak spantannaja pakupka, tak i niešta bolš niebiaśpiečnaje, naprykład, kiravańnie aŭtamabilem u stanie apjanieńnia.
Finskija navukoŭcy vyjavili hienietyčnuju mutacyju, źviazanuju z takimi pavodzinami. Ludzi z hetym hienam schilnyja da impulsiŭnaści navat u ćviarozym stanie i čaściej pakutujuć ad rasstrojstva nastroju.
6. Niezaŭvažny pjanica
Jość ludzi, jakija navat paśla vialikaj kolkaści ałkaholu vyhladajuć spakojnymi i sabranymi.
Heta źviazana z hienietykaj, ale vysokaja ŭstojlivaść da ałkaholu — nie zaŭsiody dobra. Takija ludzi mohuć pić bolš, kab adčuć efiekt, što pavyšaje ryzyku zaležnaści.
7. Pjany da biaspamiactva
Kali čałaviek užyvaje zanadta šmat ałkaholu za karotki čas, u jaho mohuć uźnikać pravały ŭ pamiaci, i jon amal ničoha nie budzie pamiatać pra viečar, kali piŭ.
Śpiecyjalisty papiaredžvajuć, što kali takoje zdarajecca časta, to varta zadumacca: heta moža być rańniaj prykmietaj ałkaholnaj zaležnaści abo sihnałam taho, što vy ŭžo nie zdolnyja spynicca ci kantralavać spažyvańnie ałkaholu.
Jakim by typam «pjanaj asoby» vy ni byli, pamiatajcie: kali ałkahol stanovicca rehularnaj zvyčkaj i vam ciažka siabie strymlivać, mahčyma, varta padumać pra skaračeńnie jaho spažyvańnia.
Prapahandysty zapeŭnivajuć, što 196 palitviaźniaŭ užo na svabodzie9
Kamientary