«Ruskija i amierykancy plaskajuć u ładki». Maskva, Bierlin i Vašynhton abmiarkoŭvajuć adnaŭleńnie pastavak syraviny ŭ Hiermaniju na NPZ «Rasnafty»
Hiermanija abmiarkoŭvaje adnaŭleńnie pastavak nafty z Rasii pa hazapravodzie «Družba» na NPZ «Rasnafty» ŭ niamieckim Šviedcie. Dla hetaha aktyvy «Rasnafty» vykupiać ZŠA — i tak padšturchnuć Pucina da pieramirja.
Ułady Niamieččyny, Rasii i ZŠA abmiarkoŭvajuć adnaŭleńnie pastavak nafty pa trubapravodzie «Družba» ŭ FRH, vyśvietlili rasśledavalniki vydańnia Correctiv pry ŭdziele «Važnych historyj».
Dla hetaha amierykanskija firmy vykupiać u niamieckaj dački «Rasnafty» Rosneft Deutschland jaje dolu (54,17%) u adnym z najvažniejšych dla Niamieččyny naftapierapracoŭčym zavodzie RSK u horadzie Šviedt blizu miažy Niamieččyny i Polščy, kažuć surazmoŭcy, znajomyja z chodam pieramovaŭ.
Ciapier aktyvy «Rasnafty» znachodziacca ŭ časovym upraŭleńni ŭładaŭ Niamieččyny, i alternatyvaj ich prodažu mahła b stać nacyjanalizacyja.
Važnaj umovaj uhody, imavierna, budzie zhoda Uładzimira Pucina na časovaje zamireńnie va Ukrainie.
Rasśledvalniki Correctiv vyśvietlili, što los rasijskich aktyvaŭ vyrašajecca mienavita ciapier u ZŠA. Pakul Kijeŭ i Vašynhton damaŭlalisia ab 30-dzionnym pieramirji na sustrečy ŭ Saudaŭskaj Aravii, u Štaty vylecieŭ vysokapastaŭleny pradstaŭnik urada Hiermanii.
Adzin z udzielnikaŭ sustreč kaža, što ton na pieramovach zadajuć ZŠA, a ŭdzieł niamieckich čynoŭnikaŭ zvodzicca da minimumu.
Płan prezidenta ZŠA moža vyhladać jak «abcuhi» dla ES: asłabić aŭtamabilnuju industryju Niamieččyny praz uviadzieńnie vielizarnych impartnych taryfaŭ i razam z tym zarablać u ES na prapampoŭcy syraviny z Rasii praz amierykanskuju infrastrukturu.
«Ruskija i amierykancy plaskajuć u ładki. Adny syravinu pradajuć, inšyja jaje pastaŭlajuć, a płaciać za ŭsie jeŭrapiejcy», — razvažaje na ŭmovach ananimnaści adzin z udzielnikaŭ pieramovaŭ.
Važnaj umovaj ździełki moža stać zhoda Uładzimira Pucina na časovaje pieramirje ŭ Ukrainie. Tak jon atrymaje mahčymaść vykarystoŭvać atrymanyja ad prodažu nafty i hazu srodki na papaŭnieńnie vajennaha biudžetu ŭ čas pieramirja.
Ciapier čytajuć
Padazronaha aktyvista-stukača Paŭła Bialucina pryvieźli z Turcyi1
Kamientary