Na biełaruska-polskaj miažy zapracavała sistema, jakaja dazvalaje prachodzić miažu biez udziełu pamiežnika. Jak jana pracuje?
U punkcie propusku «Brest» na vyjeździe ź Biełarusi ŭ Polšču testujuć aŭtamatyčny kompleks pamiežnaha kantrolu, jaki dazvolić biełarusam ź bijamietryčnymi pašpartami prachodzić praceduru biez udziełu pamiežnika, piša BG.media.
Aŭtamatyčny kompleks pamiežnaha kantrolu pracuje ŭ punkcie propusku «Brest» kala tydnia. Toj, chto vyjazdžaje ź Biełarusi, moža skarystacca dvuma terminałami.
Dla hetaha nieabchodna być hramadzianinam Biełarusi, starejšym za 18 hadoŭ, i mieć bijamietryčny pašpart.
«Raniej hety kompleks prachodziŭ aprabacyju ŭ aeraporcie Minska i dakazaŭ svaju efiektyŭnaść. Nieabchodnaść vykarystańnia techničnaj navinki abumoŭlena tym, što «Brest» źjaŭlajecca adzinym dziejučym aŭtadarožnym punktam propusku na ŭsioj biełaruska-polskaj miažy. Mienavita tut metazhodna ŭkaranieńnie technałohij, jakija skaračajuć čas čakańnia i prachodžańnia pamiežnaha kantrolu», — zajaviŭ aficyjny pradstaŭnik Bresckaj pamiežnaj hrupy Siarhiej Dźmitryjeŭ.
Pamiežniki padkreślivajuć, što heta biełaruskaja raspracoŭka. Aŭtamatyčny kompleks źbiraje i apracoŭvaje bijamietryčnyja dadzienyja hramadzian, jakija pierasiakajuć miažu Biełarusi. Taksama jon vyznačaje najaŭnaść zakonnych padstaŭ dla pierasiačeńnia miažy.
«Unikalnaść u tym, što fizičnyja asoby, jakija pierasiakajuć miažu, mohuć ažyćciaŭlać afarmleńnie svaich dakumientaŭ biez udziełu pamiežnaha naradu. Heta vielmi zručna, u tym liku značna skaračaje čas. Terminały stajać u zale afarmleńnia. Hramadzianie padajuć svaje bijamietryčnyja dakumienty, rehistrujucca, pakidajuć bijamietryčnyja dadzienyja, zatym iduć na peŭny kanał afarmleńnia, vydzieleny dla prachodžańnia ŭ aŭtamatyčnym režymie. Źvieryŭšy źviestki, prachodziać dla pasadki ŭ svoj transpartny srodak», — raspavioŭ ab pracedury načalnik adździaleńnia pamiežnaha kantrolu «Varšaŭski most» Dźmitryj Bryštel.
Pry hetym pry pierasiačeńni miažy možna vybrać i bolš zvykły varyjant — z udziełam pamiežnaha naradu. Miarkujučy pa tłumačeńniach pamiežnikaŭ, aŭtamatyčny kantrol pracuje tolki na vyjezd ź Biełarusi ŭ Polšču.
Taksama dziaržžurnalisty pahutaryli ź bieraściejcami, jakija zastalisia zadavolenyja aŭtamatyčnym pamiežnym kantrolem.
«Mnie zdajecca, hetaja sistema sprościć pierasiačeńnie miažy, zrobić jaho bolš chutkim, asabliva dla tych, u kaho jość bijamietryčnyja pašparty. Viedaju, što takija sistemy jość u inšych krainach, u tym liku ŭ Rasii. Rada, što ciapier i ŭ nas jość mahčymaść samastojna pierajści miažu. Heta vielmi chutka i zručna. Usio dosyć prosta: jość ukazańni, što treba rabić — skanuješ pašpart, prykładaješ palec, uśmichaješsia ŭ kamieru, dalej pakazvajuć, da jakoj kabinki iści. Usio było značna chutčej, čym stajać u čarzie», kaža Hanna Dzieravianka, jakaja jeździć niekalki razoŭ na miesiac.
«Dźvie chviliny — i pašpartny kantrol projdzieny. Liču, što heta cudoŭnaje novaŭviadzieńnie, jakoje dapamoža hramadzianam pierasiakać miažu jašče chutčej. Naturalna, čerhi stanuć karaciejšymi», — kaža Juryj Aŭdziejčyk.
Pieršyja paviedamleńni pra aŭtamatyčny kantrol u punkcie propusku «Brest» dla ŭładalnikaŭ bijamietryčnych pašpartoŭ źjavilisia ŭ subotu, 1 sakavika. Biełarusy adznačajuć, što novaja sistema sapraŭdy dapamahaje chutčej prajści kantrol, ale ŭžo niekalki razoŭ vychodziła sa stroju.
«Na našym pašpartnym kantroli była vielmi pryjemnaja žančyna, byccam tolki ŭładkavałasia na pracu. Vielmi vietlivaja i ŭvažlivaja. Paradavała, što ź bijamietryjaj možna prajści praź śpiecyjalny aparat».
«Dama sapraŭdy vielmi pryjemnaja, a voś aŭtamatyčny kantrol nie pracavaŭ — niešta pałamałasia».
«Na mnie jon złamaŭsia. Pamiežnica sprabavała niešta naładzić na noŭtbuku, u vyniku paviała mianie ŭ zvyčajnuju čarhu».
«Ja padała adbitki palcaŭ u terminale, a voś fota nie atrymałasia zrabić. Ale, zdajecca, jon usio ž pracuje nie vielmi dobra, bo pamiežnica znoŭ paviała ŭsich biez čarhi. Potym znajšli pracujučuju mašynu, i ŭsio pajšło chutčej».
«Mnie było niajomka, kali terminał pierastaŭ pracavać. Kažu: davajcie ja pajdu ŭ zvyčajnuju čarhu, a jana: nu nam ža treba vučycca pracavać z hetym. I ŭśmichajecca.»
Adnak niekatoryja adznačajuć, što aŭtamatyčny kantrol nie zaŭsiody dazvalaje chutčej pierasiekčy miažu. Tyja, chto jedzie na aŭtobusie ź bijamietryčnymi pašpartami, paśla afarmleńnia ŭsio roŭna čakajuć astatnich pasažyraŭ z zvyčajnymi pašpartami.
«Pryjechali na miažu ŭ 01:20, prajšli kantrol kala 08:20, z polskaha boku vyjechali tolki ŭ 13:40. Na biełaruskaj miažy dla bijamietryčnych pašpartoŭ pracuje samarehistracyja i asobnaja čarha. U aŭtobusie pamiežnica zapytała, u kaho bijamietryčny pašpart, i paprasiła prajści za joj. Tam pasažyry samastojna zarehistravali dadzienyja ŭ terminale, potym pajšli da stojki z kamieraj, jakaja ich vyznačała. Čarha dla bijamietryi była karotkaj, tamu pravieryli i adpuścili adnymi ź pieršych. Ale potym usio roŭna pryjšłosia čakać aŭtobus.»
«Aŭtobus Homiel — Varšava. Z Bresckaha aŭtavakzała vyjechaŭ u 23:25. Pierad šłahbaumam čakali kala 2 hadzin. U 03:40 prajšli biełaruski kantrol, potym čakali pierad mostam — usio było zabita aŭto i aŭtobusami.
P.S. Bijamietryčnaja stojka samaabsłuhoŭvańnia na ŭvachodzie sapraŭdy chutkaja. Jość asobny vychad dla tych, chto prajšoŭ kantrol praź jaje. U 07:00 zapuścili na polskuju miažu, u 07:35 vyjechali z Polščy. Usiaho 7,5 hadziny».
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk4
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2121
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu21
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary