Zhodna z ukazam Donalda Trampa, u ZŠA stvorać dziaržaŭny rezierv kryptavalut. U jaho ŭvojduć ličbavyja aktyvy, kanfiskavanyja ŭ krainie ŭ chodzie sudovych pracesaŭ, tak što prajekt «nie budzie kaštavać padatkapłacielščykam ni centa», zajaviŭ śpiecpradstaŭnik Biełaha doma pa pytańniach kryptavalut, miljarder Devid Saks.
Pavodle acenki Devida Saksa, u hetym «ličbavym Fort-Noksie» (adsyłka da schovišča załatoha zapasu ZŠA ŭ štacie Kientuki) zachoŭvajecca ŭžo kala 200 tys. bitkoinaŭ. Pa jahonych słovach, ich buduć nie pradavać, a zachoŭvać jak srodak źbieražeńnia.
Paśla hetych zajaŭ kurs bitkoina ŭpaŭ na 5,7% — tak rynak adreahavaŭ na navinu pra toje, što administracyja ZŠA na pačatkovym etapie ŭstrymajecca ad aktyŭnaj kupli kryptavalut dla Dziaržreziervu.
2 sakavika Tramp u svajoj sacsietcy Truth Social pisaŭ, što daručyŭ pracoŭnaj hrupie pry prezidencie ruchacca dalej pa stvareńni rezervu kryptavalut.
«Rezerv kryptavalut ZŠA ŭmacuje hety krytyčna važny siektar paśla doŭhich hadoŭ karupcyjnych napadaŭ z boku administracyi Bajdena, — zajaviŭ jon. — Ja pakłapačusia ab tym, kab ZŠA stali kryptavalutnaj stalicaj śvietu».
Raniej paviedamlałasia, što na padkantrolnych uładam ZŠA kašalkach znachodzicca 18,4 miljarda dalaraŭ u kryptpvalutach, ź jaki 17,98 miljarda dalaraŭ prypadaje na 198100 bitkoinaŭ.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1414
Kamientary