Biełaruskija navukoŭcy z dapamohaj DNK-technałohij adnoviać vyhlad znatnaj žančyny, jakaja žyła ŭ Turavie ŭ XII stahodździ
U ramkach daśledavańniaŭ płanujecca ŭdakładnić jaje bijałahičny ŭzrost, rost i inšyja asablivaści.
Pra heta ŭ svaim telehram-kanale paviedamiŭ Instytut historyi NAN Biełarusi.
4 sakavika zahadčyca adździeła zachavańnia i vykarystańnia archieałahičnaj spadčyny instytuta Natalla Pačobut, a taksama supracoŭniki adździeła antrapałohii Mikałaj Pamazanaŭ i Valancina Vińnikava naviedali archieałahičnuju ekspazicyju «Staražytny Turaŭ».
Z kiraŭnictvam i zachavalnikami Turaŭskaha krajaznaŭčaha muzieja supracoŭniki instytuta abmierkavali pytańni, źviazanyja z fondami i navukova-daśledčaj pracaj z archieałahičnymi materyjałami Turaŭskaha sabora pačatku 70-ch hadoŭ XII stahodździa. Ekspazicyja muzieja, pryśviečnaja staražytnamu Turavu raźmiaščajecca ŭ paviljonie, uźviedzienym u 2005 hodzie nad raskapanym padmurkam staražytnaha chrama, razburanaha, jak ličycca, ziemlatrusam 1230 hoda.
Asobnuju ŭvahu daśledčyki nadali žanočamu pachavańniu, zachavanamu ŭ 2005 hodzie mietadam pieranosu sarkafaha. Pryniali miery, kab palepšyć jaho ekspanavańnie.
Navukoŭcy płanujuć daśledavać hetyja pareštki i ŭdakładnić bijałahičny ŭzrost, rost i inšyja marfałahičnyja asablivaści pachavanaj asoby, vykarystoŭvajučy mietady histałohii, ličbavaj renthienahrafii i kampjutarnaj rekanstrukcyi źniešniaha abličča z prymianieńniem DNK-technałohij.
Daśledavańni dazvolać bolš detalova i dakładna adnavić źniešnaść žančyny, jakaja naležała da elity Turaŭskaha kniastva XII stahodździa, i pašyryć ujaŭleńnie pra sacyjalny skład nasielnictva hetaha rehijona ŭ staražytnaści.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary