Rasijanku, jakaja pakazała najlepšy siarod suajčyńnikaŭ vynik na Takijskim marafonie, dyskvalifikavali za machlarstva
Jana skaraciła maršrut na niekalki kiłamietraŭ.
Vykładčyca MHIMO Darja Jadziernaja pakazała najlepšy čas siarod rasijanak na marafonie ŭ Tokia — 02:46:42 na dystancyi 42,2 km i zaniała 47-je miesca ŭ ahulnym žanočym zaliku. Ale jaje vynik byŭ anulavany, a samu dziaŭčynu vyklučyli z vynikovaha pratakoła, piša Sport Baza.
Spačatku stała viadoma, što Jadziernaja prapuściła niekalki kantrolnych adsiečak. Kali pačali raźbiracca ŭ pryčynach, vyśvietliłasia, što jana skaraciła maršrut.
Paśla źjaŭleńnia infarmacyi pra jaje dyskvalifikacyju ŭ internecie pačali analizavać i papiarednija marafony Jadziernaj. Za apošnija try hady jana ŭdzielničała ŭ marafonach u Bostanie, Ńju-Jorku, Bierlinie, Łondanie, Čykaha i Tokia.
Papiarednija danyja pakazvajuć, što va ŭsich marafonach, akramia Bostanskaha, Jadziernaja skaraciła ad 8 da 12 kiłamietraŭ, štučna palapšajučy svaje vyniki z zabiehu ŭ zabieh.
U adnym z marafonaŭ jana navat padjazdžała na mietro.
Pry hetym, vierahodna, jana zahadzia pradumvała, dzie mienavita «zrezać» maršrut, tamu biehła z telefonam, kab lepš aryjentavacca.
Fakt machlarstva paćvierdziŭ jaje były trenier. Pavodle jaho słoŭ, jon admoviŭsia pracavać ź dziaŭčynaj paśla marafonu ŭ Bierlinie.
A voś nastupny trenier, naadvarot, hanaryŭsia Jadziernaj i pisaŭ pachvalnyja pasty. Naprykład, jon zajaŭlaŭ, što spartsmienka «moža vyviarnucca navyvarat dziela vyniku».
Darečy, Jadziernaja nastolki vieryła ŭ svoj pośpiech, što vypuściła knihu na anhlijskaj movie: «Biehčy pavolna i spakojna: vyjhrać honku z apošniaha miesca. Ad 700 m da marafonu za 9 miesiacaŭ».
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
2. Žienŝina hovorit pravdu tolko v odnom słučaje - čtoby obmanuť.