Ukrainskija vojski ŭ noč na 11 sakavika parazili vytvorčyja mahutnaści Maskoŭskaha naftapierapracoŭčaha zavoda ŭ Kapotni, «jaki zabiaśpiečvaje 40-50% patrebaŭ horada Maskva ŭ dyzieli i bienzinie». Z takim śćviardžeńniem vystupiŭ Hienštab USU.
Va USU taksama śćviardžajuć, što byli zafiksavanyja vybuchi ŭ rajonie liniejna-vytvorčaj dyśpietčarskaj stancyi Stalny koń u Arłoŭskaj vobłaści, jakaja «zabiaśpiečvaje kiravańnie technałahičnymi pracesami naftapravoda «Družba» i źjaŭlajecca važnym składnikam u pracesach pastaŭki nafty na terminał marskoha porta Uść-Łuha ŭ Leninhradskaj vobłaści».
Hienštab USU śćviardžaje, što ŭdary nanosilisia «pa šerahu stratehičnych abjektaŭ RF», adnak «u vyniku dziejańniaŭ SPA rasijskaha ahresara paciarpieŭ šerah abjektaŭ hramadzianskaj infrastruktury». Minabarony Rasii zajaŭlaje, što Ukraina, maŭlaŭ, naŭmysna atakavała hramadzianskuju infrastrukturu.
Ciapier čytajuć
Łukašenka: U amierykancaŭ niama nijakaha płana, jany prosta zandujuć hlebu7
Kamientary