Kniha pabačyła śviet dziakujučy «Akademknizie». Śpieŭnik źmiaščaje 55 narodnych piesień, prymierkavanych da kalandarnych abradaŭ. Jany byli sabrany na praciahu XX stahodździa na ŭsioj terytoryi Biełarusi, piša Budzma.
Da kožnaha tvora dajucca noty, kab možna było razvučyć i vykanać pieśniu samastojna albo ŭ kampanii.
Układalniki Janina Hrynievič i Taćciana Kanstancinava. Stylovaje mastackaje afarmleńnie zrabiła mastačka Kasia Syramałot.
Pieršyja asobniki možna nabyć sa źnižkaj na mižnarodnaj knižnaj vystavie (12-16 sakavika) na stendzie kramy «Akademkniha».
A 14 sakavika z 16.00 tam ža možna sustrecca sa składalnikam i atrymać aŭtohraf.
«Mnie chaciełasia ŭ afarmleńni z adnaho boku pakazać bahaćcie narodnaj kultury, ź inšaha — vyvieści za miežy času i historyi adčuvańnie koła abradaŭ i śviat. Pakazać adnačasovuju sučasnaść i pazačasavaść, praniknieńnie tradycyj i suviaź ź imi ŭ našym žyćci. Sama pryroda pakazvaje nam, što my bližej da prodkaŭ, čym my sami sabie ŭjaŭlajem. Tamu byli abranyja čorna-biełyja fotazdymki, na jakich nie budzie mocna zrazumieła ni chto na ich, ni čas, ale jakija dazvalajuć pieradać toje samaje adčuvańnie času ŭ pryrodzie, jaho źmieny i pierachodnaha stanu», — napisała ŭ svaich sacsietkach mastačka Kasia Syramałot.
Kamientary