Prezident Polščy Andžej Duda zaklikaŭ Złučanyja Štaty Amieryki raźmiaścić jadziernuju zbroju na terytoryi krainy ŭ jakaści strymlivalnaha faktaru suprać rasijskaj ahresii.
U intervju haziecie Financial Times jon adznačyŭ, što niadaŭna abmiarkoŭvaŭ hetaje pytańnie sa śpiecyjalnym pradstaŭnikom ZŠA pa Ukrainie Kitam Kiełaham.
Duda padkreśliŭ, što z momantu pašyreńnia miežaŭ NATA na ŭschod u 1999 hodzie pavinna adbycca i pieramiaščeńnie infrastruktury aljansu na ŭschod. Jon zajaviŭ: «Dla mianie heta vidavočna. Ja dumaju, što sprava nie tolki ŭ tym, što čas pryjšoŭ, ale i ŭ tym, što było b biaśpiečniej, kali b hetaja zbroja ŭžo ciapier była tut».
Prezident Polščy vykazaŭ nadzieju adnavić prajekt pa sumiesnym vykarystańni jadziernaj zbroi, jaki jon biezvynikova pradstaŭlaŭ administracyi byłoha prezidenta Džo Bajdena ŭ 2022 hodzie.
Jon taksama adznačyŭ, što rašeńnie ab raźmiaščeńni amierykanskaj jadziernaj zbroi pavinna prymać administracyja prezidenta ZŠA Donalda Trampa. Duda nahadaŭ pra zajavu Uładzimira Pucina, zroblenuju ŭ 2023 hodzie, ab pieramiaščeńni rasijskaj taktyčnaj jadziernaj zbroi ŭ sajuznuju Biełaruś: «Rasija navat nie vahałasia, kali pieramiaščała svaju jadziernuju zbroju ŭ Biełaruś. Jany nie pytalisia ni ŭ kaho dazvołu».
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary
[Zredahavana]
Inakš prasiŭ by ŭ Makrona, a nie Trampa.