Śviet66

Jak achoŭvajuć Pucina — novaje rasśledavańnie

Štodnia za achovu Pucina adkazvaje sotnia čałaviek, navat ježu jamu hatujuć kuchary-feesbešniki — jany ž praviarajuć usie pradukty, navat rybu, jakuju łović rasijski prezident.

Pucin u atačeńni ciełachoŭnikaŭ padčas svajoj pajezdki ŭ Jakuck. Červień 2024 hoda. Fota: kremlin.ru

Centr «Daśje» pravioŭ rasśledavańnie taho, jak abaraniajuć Pucina.

Słužba biaśpieki prezidenta Rasii jość faktyčna samastojnym padraździaleńniem i adkazvaje jak za achovu pieršaj asoby, tak i za abaronu jaho šmatlikich rezidencyj, pryhatavańnie ježy, pryborku pamiaškańniaŭ i navat stryžku hazona ŭ Nova-Aharova.

Chto achoŭvaje 

Rasśledavalniki zmahli identyfikavać 33 ciełaachoŭnikaŭ prezidenta Rasii, jakija jaho supravadžali na praciahu 2024 hoda, i sabrać pra ich infarmacyju z dastupnych krynic.

U vyniku atrymaŭsia abahulnieny partret ciełaachoŭnika Pucina: siaredni ŭzrost — 36 hadoŭ, koratka stryžany, vysokaha rostu, biez vusoŭ i barady. Tatuiroŭki i pirsinh stroha zabaronieny.

Pieravažnaja bolšaść — vychadcy z rehijonaŭ ci ź nievialikich haradoŭ u jeŭrapiejskaj častcy Rasii. Mnohija pryjšli na słužbu, skončyŭšy Akademiju FSA (Fiederalnaj słužby achovy) u Arle, ale jość i vychadcy ź inšych struktur, naprykład, śpiecnaza.

Budučyja ciełaachoŭniki prachodziać tyja ž stadyi adboru, što i astatnija supracoŭniki FSA. Akramia niekalkich sumoŭjaŭ abaviazkovyja test na prafiesijnuju prydatnaść, sustreča ź psichołaham i prachodžańnie palihrafa. Adna z hałoŭnych umovaŭ pry pryjomie na pracu — patryjatyčny nastroj.

Aficyjnaja zarpłata pucinskaj achovy nie kazačnaja. Pavodle ŭciečak z baz danych, ciapier jany atrymlivajuć u rajonie 200 tysiač rubloŭ (kala 2300 dalaraŭ) — jak kantraktniki na froncie. Adnak i heta ŭ dva razy bolš za siaredni zarobak supracoŭnika FSA.

Uładzimir Pucin i Alaksandr Łukašenka ŭ atačeńni ciełaaachoŭnikaŭ. Maj 2024 hoda. Fota: kremlin.ru

Kolki ŭsiaho achovy

Pa padlikach «Daśje», Pucin maje jak minimum piać adjutantaŭ. Kali jany znachodziacca pobač ź im, to atrymlivajuć słužbovy mabilny telefon.

Zrazumieć, kolki čałaviek adnačasova achoŭvajuć prezidenta Rasii, rasśledavalnikam dapamahli materyjały budaŭnictva rezidencyi ŭ Nova-Aharova. U siaredzinie 2010-ch hadoŭ tam byli pabudavany dom pryjomaŭ, haścinica i niekalki techničnych abjektaŭ.

U haścinicy mierkavałasia raźmiaścić pakoi dla adjutantaŭ, supracoŭnikaŭ vyjaznych padraździaleńniaŭ, daktaroŭ. Usiaho budynak pavinien byŭ źmiaścić 116 čałaviek achovy, u tym liku 5 bajcoŭ śpiecnaza. Haraž byŭ raźličany na 32 kiroŭcaŭ.

Hrupa supravadžeńnia Pucina ŭ zamiežnych pajezdkach składaje ad 80 da 100 čałaviek. Pry hetym jaje ŭdzielniki raździalajucca na dźvie častki. Adny padarožničajuć niepasredna ź pieršaj asobaj, inšyja prybyvajuć na miesca zahadzia, kab padrychtavacca da sustrečy, vyśvietlić pratakolny składnik (što i jak budzie naviedvać, z kim sustrakacca, što rabić, jak prylataje i adlataje, što patrabujecca dla hetaha).

Pa žadańni Pucina Fiederalnaja słužba achovy zabiaśpiečyć luby vid transpartu. Aŭtamabili znachodziacca ŭ padparadkavańni haraža asobaha pryznačeńnia.

U niekatorych vypadkach kartež supravadžajuć bajavyja viertaloty, jak heta było padčas vizitu Pucina ŭ Čačniu letaś u žniŭni. Bronieciahnikom taksama zajmajecca śpiecsłužba, pryčym nie tolki pytańniami biaśpieki, ale i dyzajnam vahonaŭ. Samalot pieršaj asoby pry nieabchodnaści prykryvaje bajavaja avijacyja, a na jaho borcie prykładna ŭ kancy 2021 hoda byli ŭstanoŭleny ciepłavyja pastki.

Aficery SBP (pieršy i druhi źleva) padčas pajezdki Pucina ŭ Čačniu. Žnivień 2024 hoda. Fota: kremlin.ru

Na ziamli ad pahroz z pavietra kiraŭnika dziaržavy achoŭvajuć kompleksy «Pancyr-S1». Narešcie, supracoŭniki FSA absłuhoŭvajuć jachty Pucina.

Kuchary Pucina

Navat kuchary Pucina — heta supracoŭniki FSA, jakich, jak i ŭsich, vučać stralać.

Kuchary pracujuć u palčatkach, niekalki razoŭ u dzień mianiajuć formu i praviarajuć, kab na rukach nie było parezaŭ. Stroha vykonvajecca tavarnaje susiedstva: ryba, miasa, sadavina i harodnina zachoŭvajucca asobna. Pradukty staranna padbirajucca.

Pucin addaje pieravahu vyłaŭlenaj rybie i miasu, jakoje zdabyta na palavańni. Z ptuški jon jeść tolki kuraniat, vyraščanych na nievialikich fiermach. Usie pradukty prachodzić strohuju pravierku supracoŭnikami pierasoŭnaj łabaratoryi, ekspres-testami, navat kali heta ryba, jakuju złaviŭ sam rasijski prezident.

Kuchary supravadžajuć Pucina ŭ pajezdkach niezaležna ad taho, ci heta kamandziroŭka, ci adpačynak, ci indyvidualnaje mierapryjemstva. Supracoŭniki FSA pieršymi kaštujuć usie pryhatavanyja stravy.

Strohija patrabavańni pradjaŭlajucca nie tolki da ježy, ale i da pamiaškańnia. U rezidencyjach Pucin addaje pieravahu vyznačanamu tempieraturnamu režymu i «kab nidzie nie dźmuła». Rabočy kabiniet prybirajuć kožny dzień z vykarystańniem śpiecyjalnych srodkaŭ, pryčym rabić heta pačali jašče da pandemii, a pamiaškańni pravietryvajuć va ŭsie dni, akramia pieryjadu ćvicieńnia alešyny i biarozy.

Były supracoŭnik FSA raskazaŭ «Daśje», što Pucin daviaraje tolki svaim ciełaachoŭnikam, a astatnich supracoŭnikaŭ śpiecsłužby časta trymajuć u nieviadomaści adnosna jaho płanaŭ. Ludziam mohuć skazać, što jon adpačyvaje na peŭnym leciščy, i ŭsie biehajuć, achoŭvajuć hetaje lecišča, a jon moža być uvohule ŭ inšym miescy.

Kamientary6

  • Picierski čučchik
    17.03.2025
    Nikčemny čałaviečak, jakija abakraŭ miljony ludziej i puściŭ reki kryvi. Ja b nie chacieŭ być im, bo najaŭnaść takoj achovy śviedčyć pra isnavańnie achvočych ź im "raźličycca".
  • Amatar
    18.03.2025
    Jak by nie chavaŭsia, Śmierć projdzie da jaho praz usie linii biaśpieki. Pytańnie času, ale ž dačakajemsia.
  • Ds
    18.03.2025
    A chto nosić bijatualet? Jen taksama z fsa?

Ciapier čytajuć

Muž hałoŭnaj hieraini prapahandysckaha filma BT skončyŭ žyćcio samahubstvam6

Muž hałoŭnaj hieraini prapahandysckaha filma BT skončyŭ žyćcio samahubstvam

Usie naviny →
Usie naviny

«Jon u siejfie ŭ biaśpiecy». Ci ŭdałosia za hod pradać skandalny hadzińnik Franaka Viačorki?14

Na fabrycy ŭ Słucku zahinuŭ elektramancior: jaho źbiŭ niedaśviedčany kiroŭca pahruzčyka

Pucin: Nie słuchajcie Piaskova, u jaho praca takaja2

Siłuet chmaračosa ŭžo vymaloŭvajecca. Jak ciapier vyhladaje šmatpakutny «Hazpram Centr» u Minsku FOTA5

Stali viadomy mahčymyja ŭmovy Rasii dla spynieńnia ahniu va Ukrainie6

Parašenka: Zialenski viadzie Ukrainu «ŭ bok dyktatury»11

Skon taraškievicy. Zakryćcio «Radyjo Svaboda» moža zaviaršyć moŭnuju epochu47

U kvartale «Minsk-Śviet» źjavilisia damy z dvuchuzroŭnievymi kvaterami4

Cichanoŭskaja: Demakratyčnyja pieramieny ŭ Biełarusi harantujuć 1000 kiłamietraŭ biaśpiečnaj miažy Jeŭrasajuzu15

bolš čytanych navin
bolš łajkanych navin

Muž hałoŭnaj hieraini prapahandysckaha filma BT skončyŭ žyćcio samahubstvam6

Muž hałoŭnaj hieraini prapahandysckaha filma BT skončyŭ žyćcio samahubstvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić