Litva śledam za Polščaj płanuje zaminiravać miažu ź Biełaruśsiu i Rasijaj
Ministarka nacyjanalnaj abarony Litvy Davile Šakalenie paviedamiła, što jany ź ministrami abarony Polščy i Finlandyi abmierkavali abjadnańnie polskaha «Uschodniaha ščyta» i Bałtyjskaj linii abarony, a taksama ŭdzieł Finlandyi ŭ farmiravańni adzinaha płana ŭzmacnieńnia achovy miažy.
«Padčas hetych sustreč była raspačataja dyskusija pra abnaŭleńnie i pašyreńnie kancepcyi kontrmabilnaści. Pa polskim prykładzie, miaža paŭnočna-ŭschodniaha fłanhu moža być umacavanaja niekalkimi radami fartyfikacyjnych zbudavańniaŭ, jakija buduć uklučać, ale nie abmiažoŭvacca supraćpiachotnymi i supraćtankavymi minami. Partniory majuć namier atrymać finansavańnie ES dla hetaj mety», — skazała Šakalenie.
Jana nahadała, što Litva pieršaj u rehijonie inicyjavała dyskusii pra vychad z Ataŭskaj kanviencyi ab supraćpiachotnych minach, hetaje rašeńnie padtrymali Estonija, Łatvija i Polšča.
Pra namier krain Bałtyi i Polščy vyjści z Ataŭskaj kanviencyi było zajaŭlena 18 sakavika:
«Supolnaja rehijanalnaja pastanova pasyłaje vyrazny sihnał: dziaržavy, jakija majuć ahulnuju miažu z Rasijaj, hatovyja pryniać usie mahčymyja zachady dla harantavańnia biaśpieki svaich hramadzian», — zajaviła tady Davile Šakalenie.
Vychad z Ataŭskaj damovy, da jakoj dałučyłasia bolš za 160 dziaržaŭ, dazvolić Polščy i krainam Bałtyi stvaryć zapas supraćpiachotnych min. Siarod 36 krain, jakija nie padpisvali Ataŭskuju kanviencyju ŭvohule — Rasija, ZŠA i Kitaj.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary