Iłan Mask zaklikaŭ hałasavać za «Alternatyvu dla Hiermanii». Inakš pradrakaje «kaniec Hiermanii»
Padtrymka Maska vyklikaje nieadnaznačnuju reakcyju ŭ Hiermanii.
Amierykanski miljarder i zasnavalnik Tesla Iłan Mask znoŭ publična padtrymaŭ pravapapulisckuju partyju «Alternatyva dla Hiermanii». Napiaredadni municypalnych vybaraŭ u ziamli Paŭnočny Rejn-Viestfalija, jakija projduć 14 vieraśnia, jon napisaŭ u X: «Albo Hiermanija vybiraje AdH, albo heta kaniec Hiermanii».
Jak piša Bild, raniej Mask užo vykazvaŭsia ŭ padtrymku partyi: padčas kampanii da vybaraŭ u Bundestah jon zajaviŭ, što «tolki AdH moža vyratavać Hiermaniju». Taksama jon mieŭ znosiny na płatformie X z sustaršynioj partyi Alisaj Vajdel i dystancyjna ŭdzielničaŭ u jaje pieradvybarnym mitynhu ŭ Chale, dzie nazvaŭ AdH «najlepšaj nadziejaj dla Hiermanii».
Padtrymka Maska vyklikaje nieadnaznačnuju reakcyju ŭ Hiermanii. Bujnyja kampanii pačali sychodzić ź jaho płatformy X, a davier da samoha biznesoŭcy ŭpłyvaje i na pierśpiektyvy Tesla. Na fonie pratestaŭ i padzieńnia popytu na elektramabili kampanija ŭ druhim kvartale zapar zafiksavała źnižeńnie prybytku: čysty prybytak skłaŭ 1,17 młrd dalaraŭ — na 16% mienš, čym hodam raniej.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
No, čto boleje vierojatno, ao ariemia etoho zajavlenija był pod travkoj.....