U varšaŭskaj palicyi raskazali, čamu ŭčora jeździli ŭ chab «Robim Razam» Siarhieja Bulby
29 žniŭnia varšaŭskaja palicyja zabiaśpiečvała dziejańni sudovaha vykanaŭcy, jakija tyčylisia pamiaškańnia na płoščy Kanstytucyi, 6. Pra heta paviedamiŭ pres-aficer palicyi Jakub Pacyniak, piša Reform.news.
Damova arendy pamiž abjadnańniem pad kiraŭnictvam Siarhieja Bulby i ŭpraŭleńniem nieruchomaści rajona «Srudmieście» skončyłasia jašče letaś, a pamiaškańnie praciahvałasia zajmacca bieź jurydyčnych padstaŭ. Pavodle infarmacyi Reform.news, arenda i kamunalnyja płaciažy taksama hety čas nie apłačvalisia.
Adpaviedna, palicyja pryjechała dapamahać sudovamu vykanaŭcu pry vysialeńni arhanizacyi. Padčas vysialeńnia ŭnutry pamiaškańnia, jak paviedamlajecca, znajšli mulažy zbroi, hranat i broniekamizelki. Niekatoryja pradmiety vyklikali sumnievy, tamu na miesca vyklikali sapioraŭ z antyterarystyčnaha padraździaleńnia, a taksama pažarnikaŭ, miedykaŭ, darožny nahlad i Staličny centr biaśpieki. Terytoryju ačapili, ludziej z pamiaškańnia evakujavali.
Apieracyja zaviaršyłasia kala 15-j hadziny. Palicyja paviedamiła, što padrabiaznaściaŭ jaje pakul nie raskryvaje.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary