U Minsku asudzili supracoŭnika chośpisa, jaki afarmlaŭ mikrapazyki na pacyjentaŭ
Jaho pryhavaryli da 2,5 hod chimii pa artykule ab kradziažy majomaści šlacham madyfikacyi kampjutarnaj infarmacyi (častka 1 art. 212 KK), paviedamlaje «Minsk-Naviny».
39-hadovy mužčyna raniej adbyvaŭ pakarańnie za zabojstva. U červieni 2020 hoda jon vyzvaliŭsia z kałonii, uładavaŭsia ŭ chośpis i pačaŭ dahladać za pacyjentami.
Paźniej jon daviedaŭsia, što mikrapazyki možna afarmlać praz numar telefona i pačaŭ vykarystoŭvać dla hetaha mabilniki pastajalcaŭ chośpisa. Kali ŭ ich pryładach nie było internetu, to mužčyna ŭstaŭlaŭ ich SIM-karty ŭ svoj telefon.
Tak jon atrymaŭ mikrapazykaŭ na 4 100 rubloŭ ad siami pacyjentaŭ. Inšyja padrabiaznaści spravy nieviadomyja.
Suprać mužčyny raspačali kryminalnuju spravu ab kradziažy majomaści šlacham madyfikacyi kampjutarnaj infarmacyi (častka 1 art. 212 KK). Sud Frunzienskaha rajona Minska pryhavaryŭ jaho da 2,5 hod chimii.
Kamientary