У Беларусі за «экстрэмісцкія фармаванні» асудзілі мінімум 258 чалавек
На 27 сакавіка 2025 года КДБ і МУС прызналі ў Беларусі 269 «экстрэмісцкіх фармаванняў». Паводле інфармацыі «Вясны», за «стварэнне або ўдзел у экстрэмісцкім фармаванні» ў Беларусі асудзілі мінімум 258 чалавек, 58 з іх — завочна.
За «стварэнне экстрэмісцкага фармавання або ўдзел у ім» (арт. 361-КК) асуджаныя мінімум 258 чалавек. Па гэтым артыкуле былі асуджаныя мінімум 22 журналісты і 11 блогераў, шэсць юрыстаў і адвакатаў, 24 актывісты, 10 былых сілавікоў, 31 палітыка, 19 дзеячаў культуры.
Сярод асуджаных — 41 жанчына. 36 чалавек асуджаныя за «ўдзел у экстрэмісцкім фармаванні» за падтрымку Украіны ў вайне. 58 чалавек асудзілі завочна.
Паводле арт. 361-1 КК у спалучэнні з іншымі артыкуламі КК судзілі пяць замежнікаў: Юрыя Зянковіча, які мае амерыканскае грамадзянства, грамадзяніна Украіны Аляксандра Катовіча, немца Рыка Крыгера, расіян Андрэя Паднябеннага і Алега Сычова.
Першы прысуд паводле арт. 361-1 КК у спалучэнні з іншымі артыкуламі быў вынесены 6 верасня 2021 года Марыі Калеснікавай і Максіму Знаку па «справе Каардынацыйнай рады», якую прызналі «экстрэмісцкім фармаваннем». «Каардынацыйную раду» абвінавачанне палічыла «экстрэмісцкім фармаваннем», мэта якога нібыта складалася ў каардынацыі пратэстаў і ў канчатковым выніку — у захопе ўлады.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя10
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары