Małdova abviaściła piersonami non hrata troch supracoŭnikaŭ rasijskaha pasolstva
Ułady Małdovy 31 sakavika abviaścili troch supracoŭnikaŭ rasijskaha pasolstva ŭ Kišyniovie piersonami non hrata. Pra heta havorycca ŭ paviedamleńni małdaŭskaha Ministerstva zamiežnych spraŭ.
«Rašeńnie małdaŭskich uładaŭ hruntujecca na dakładnych dokazach dziejnaści, jakaja supiarečyć dypłamatyčnamu statusu na terytoryi Respubliki Małdova. Dypłamaty pavinny pakinuć krainu», — havorycca ŭ paviedamleńni.
Pryčyn vysyłki supracoŭnikaŭ rasijskaha dyppradstaŭnictva ŭ MZS Małdovy nie ŭdakładnili. Rasijskaje MZS zajaviła, što na takija dziejańni Kišyniova budzie «adkaz».
Napiaredadni miascovaje vydańnie NewsMaker sa spasyłkaj na małdaŭskuju Słužbu biaśpieki i infarmacyi paviedamlała, što małdaŭski deputat Alaksandr Nieściaroŭski, jakoha prysudzili da 12 hadoŭ pazbaŭleńnia voli pa spravie ab niezakonnym finansavańni prarasijskaj partyi «Šor», pry dapamozie rasijskich dypłamataŭ apynuŭsia na terytoryi niepryznanaha Prydniastroŭja.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie18
Kamientary