Ministarka pracy i sacyjalnaj abarony Natalla Paŭlučenka ŭ efiry Biełaruskaha telebačańnia raskazała pra toje, jak paŭpłyvali na situacyju na rynku pracy źmieny dla piensijanieraŭ, što praciahvajuć pracavać. Hetyja źmieny pačali dziejničać z pačatku hoda, piša Myfin.by.
Pa słovach čynoŭnicy, paśla ŭstupleńnia ŭ siłu z 1 studzienia ŭkaza №402, jaki źniaŭ abmiežavańni na pamier vypłat ad dziaržavy dla pažyłych ludziej, jakija praciahvajuć pracavać, kolkaść ludziej, jakija pracujuć i na piensii, prykmietna pavialičyłasia.
«Tak, my kazali, što ŭ nas pracujuć 110 tysiač asob, jakija dasiahnuli ŭstanoŭlenaha piensijnaha ŭzrostu. i litaralna ź pieršych miesiacaŭ realizacyi ŭkaza my ŭbačyli: pieršy miesiac — plus 10 tysiač, dalej — plus 6 tysiač», — zajaviła Natalla Paŭlučenka.
Raniej u Minpracy zajaŭlali, što dziakujučy normam ukaza №402 na rynak pracy mohuć viarnucca bolš za 10 tysiač piensijanieraŭ, jakija prymuć rašeńnie praciahvać pracavać.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary